بالنسبه ليا اكل البيت انظف نادرا وين ناكل برة ولكن حلوة مرة مرة الواحدة فينا ترتاح
بالنسبه ليا اكل البيت انظف نادرا وين ناكل برة ولكن حلوة مرة مرة الواحدة فينا ترتاح
منورة ياسويت نشيطة ماشاءالله خليك علي نشاطك لين نوصل فيك
وتقوليلي اين احسن لصراحة اني انحب التطييب لكن توا لما اتغربت وجي الكيد عليا
وليت مستاحشة من يطيبلي وبصراحة كل شهر عندي لازم ناكلوا برة مرة او مرتين وفي مطاعم
مميزة واكلهم نظيف وفيها بنة زايدة وحتى لو قعدتي تاكلي برة واللهي تملي تستاحشي ماكلة الحوش
وشكرا علي نوضوعك الحلو ياحلو
ليبيا حرة
كل عام وانتم بخير
ياربي فرج علي بلادنا
السلام عليكم ورحمة الله وبركاته
أكل البيت لا يعلى عليه لكن اكل بره حتى هو ماعندنا ما نوقولوا فيه وخاصة المشاوي على رأيي سويت بالدات الحكاية كان فيها كباب مانحكيلكش شن يصير فيا ههههههه
ومرات انا نكون ماعنديش نية نطيب ومليت من الروتين والكوجينة فنكرسوا الروتين هادا وناكلوا بره
واحيانا نتعشوا سندويتشات أو بيتسا سخونة يممممممممممي لأن بيتسا الحوش مختلفة على بيتسا برا
أنا بصراحة نحب الأكل بره رغم ان زوجي مايحباش هلبة لكن يساير فينا
وزي ماقالوا البنات الحاجة من غير تعب فيها بنة زايدة
شاركوا معنا في مهرجان الصيف
2013
هيا معا نثري منتدانا بأجمل الوصفات
هيا معا نفيد و نسفيد
ام ميوسة
نورتي
موضوعك شيق ياسويت........ بالنسبة ليا كل شيء نحبهه من الحوش إلا البيتسا مهما تكون عندي من المطاعم أحلى
أنا مشكلتي مانحبش ماكلتي والله مهما يشكروها مازال عندي ماكلة غيري أحلى يابال المطاعم نموت فيها طبعا مافهمتش بالك لأني لما نتعب في المطبخ معادش تجيني نية...... ومن المطعم طبعا نكون مرتاحة ورايقة لكن حتى المطاعم مش كل شي مثلا المسقي والمطبوخ وو عندي من الحوش أحلى
بالنسبة ليا انا ما نحب اكل المطاعم بكل
ونفضل اْكل البيت
هوس نظافة
وحتى بعد نسافر ناخذ في حافظات أكل معايا
ومانشري إلا المعلبات فقط
ولكن أحيانا نضطر لأكل شئ من المطاعم
بس الحق اْكل البيت لايعلى عليه
(( لا اله إلا أنت سبحانك إني كنت من الظالمين ))
(( اللهم أحسن عاقبتنا في الأمور كلها وأجرنا من خزي الدنيا و عذاب الآخرة))
اما بالنسبه ليه كرهت ماكلتى وكرهت ماكله المطاعم
والله لو مشيه الى ليبيا وتلقى هذاك الكسكى بالحم الخروف الطازه احسن من الف ماكله فى المطعم
لكن بشرط مدايره غيرى مش انا مدايراته
لكن حالين اكيد مره مره وكله بره كويس ومقنينه لو راجلك ربى يهديه ويدير بكبوكى ياسلام امممممممم تطلع من ايده زى العسل
وانت مقعمزه وتراجى فيها
هههههههه
لو أن البنوك تسحب أموالنا عندما نغتاب ...
وتضعها في حساب من نغتابهم ...
لصمتنا في مجالسنا ...
حفاظاً على أموالنا من الضياع ...
فهل أموالنا أهم من حسناتنا ؟؟!!!؟؟؟؟
ااااه ياقلبي لاتحزن ههههههههههه انا من عشاق اكل البيت طبعا بلا منازع بس مرات نسهف
على اكل المطاعم بالذات الكباب ومش اي كباب لازم يكون مش متبل بالفلفل الاسود هلبه يعني شوية ويفضل من غيره او شاورما لحم ومش دجاج انا من عشاق اللحوم الحمراء والاسماك وطبعا
مطعمنا اللي حاسبينه حوش بونا التاني هو عبية في المدينة القديمة يادوبك نشرو منه ويجيب منه زوزي واكيد الحفرة سابقا بصراحة تقعميزة البحر بروحهااااااا وتوا مطاعم السمك اللي في تاجوراء واكيد اذا كان في مناسبة اسرية خاصة فالعزومة تكون في احدى الفنادق اي في المطاعم امتعها لاني نحب السلطاااااااات هلبه وماعنديش رووووح مع سلطات كورنتيا والريدسن بلو بس بالمجمل نحب اكل الحوش وادا مطاعم نفضل المشاوي افضل من المعجنات والمقالي
وموضوع قنينون ياسويت
ماشاء الله اغلبكم تحبوا اكل المطاعم
ولاحظت ان كلنا نفس التفكير
المطعم أحسن حل للراحة من المطبخ ودوشته
والحمد لله زوجي يحب ياكل برا عادي ما عنده مشكلة
شنو رايكم حبوبات مدامكم تحبوا تاكلوا برا
تكتبوا لنا زي سجودة أحسن المطاعم المفضلة عندكم حتى الواحدة تجربهم مرة مرة
بالنسبة لي أغلب أكلي في كوبا كابانا نحب وجبة المكسيكانا متاعهم مش عادي
واغلب سندوشاتهم اتهبل والحلو فيه المطعم
ان الي يشتغلوا فيه ليبين أغلبهم طبعا
وفيه محل للبيتزا جنبه مش بعيد عليه اسمه نور يدير في بيتزا على الحطب
ما نحكيلكم على البنة متاعها مممممممممم
وبالنسبة للكباب فأحسن 2 محلات عندي
واحد في تاجوراء اسمه كباب البيفي
والثاني قي راس حسن اختصاصه كباب
على قد ما ناكل منهم ما نشبع
فيهم بنة غير عن أي كباب درته من قبل او ذقته
وفيه الضيافة طبعا ساندويشاتهم مش عادية وخاصة التتبيلة متاعهم
زمان كان عندهم فرع في سوق الثلاثاء مش عارفة رجع يشتغل او لا
وعندهم في زاوية الدهماني
وجنبهم مطعم التركي حتى هو جربته مرة وعجبني لكن زوجي ما عجبه
ولو تفكرت غيرهم نجيكم ثاني
حسني جعت في هالليل
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
الذين يشاهدون الموضوع الآن: 1 (0 من الأعضاء و 1 زائر)
المفضلات