السلام عليكم ورحمة الله وبركاته
هذا الطبق سريع ولذيذ وما يستغرقش اكثر
من نصف ساعه ويجهز وينفع للزوجه الموظفه
الطريقه
اول شى نغسل الرز لغاية ما تقعد مايته بيضاء
وننقعه فى ماء وملح
ثانى شى نجهز العصاج
نقطع بصله ونشوحها فى طاجين انا شوحتها بدون زيت
ونضيفلها اللحم المفروم +ملح +فلفل اكحل
+قليل من السماق ان وجد+رشة قرفه
ونوطى عليه النار لغايه ما يطيب
وممكن تضيفيله قليييييل من الماء ان لزم الامر
فى هذه الاثناء نجهز بازيلا ونقطع جزر مكعبات
ونسلقه فى ماء وملح
ثم نصفيه اكويس ونضيفه للعصاج
نقلب الجزر والبازيلا مع العصاج جيدا
ويترك حوالى 5 دقايق على النار ونطفى
نصفى الرز اكويس ونحطه فى طنجره
على النار بدون زيت او اى اضافات
ونضيفله ملعقه كبيره قهوه
عربيه(تركيه)
ونحركه على النار لغاية ماتتبخر السوائل
اللى فيه ويكتسب لون ونكهة القهوه
نضيفله ماء مغلى ونطيبه زى الرز العادى
ولما يجهز نحطه فى طبق التقديم
ونزينه بالمفروم والخضره واللوز ان وجد
وهذا شكله النهائى
وهذا طبق اخر
وهذا خر
وفى النهايه اتمنى انه يعجبكن الطبق
يا حرائر ليبيا الحبيبه
و اللى يعجبها ماتنساش الرد والتقييم
ملا حظه نزلت الصور بهالطريقه لان خطى ضعيف
ولما ننسخها تطلع الروابط بس
المفضلات