[العصبان] من مطبخ زهرة البنفسج

**زهرة البنفسج** · 03-22-2012, 10:32 PM

السلام عليك

المقادير التقريبية للعصبان

ثلاثة ربطات معدنوس_ ربطتان كسبر_ ربطة شبت_ بصل _ بطاطا _معلاق خروف_ حبق [الريحان]

فلفل اخضر _ ثلاثة ملاعق نعناع مرحي وجاف_ خمسة ملاعق كبيرة طماطم معجون _كوب ونصف ارز

ملعقة فلفل احمر _ملعقة فلفل اسود_ نصف ملعقة بزار_ ثلاثة ملاعق ملح ودالك لوجود البطاطا

التي تمص الملح ولهذا كثرثه_ ملعقة حرارات _كوب ونصف زيت

تغسل الخضرة جيدا تم تترك للصفى منها الماء جيدا

ثم تخلط مع المعلاق المكون من الكبدة والقلب واللحم

وتوضع لها البهارات

وتعبئ في المصارين والكرشة مع العلم عند وضع الكرشة لابد ان يكون الماء يغلي ولابد ان تعمل لها تقوب

ثم توضع الكرشة في الطنجرة فوق النار والمصارين في الكسكاس

وهذا بعد ان النضج

وهذا للتقديم وللاسف كنت مستعجلة فما رتبتش مزبوط ارجو ان يكون العصبان المتواضع ينال الاعجاب

بالصحة والعافية

**sweet nona** · 03-22-2012, 10:36 PM

ياعيني ياعيني
احني انديرو فالحلو
وزهورة غاطسة فالعصبان
مممممم
جي فخاطري مع اني كيف متعشية براك
تسلم ايدياتك عالعصبان الفاااايح
واقوى تقييم

**بنت حواء** · 03-22-2012, 10:54 PM

ماشااااااااااااااء الله تبارك الرحمن هذا العصبان المتواضع؟؟!!
الحق أنه عصبان مشهي جدا جدا جدا وزيادة ليا فترة عليه خلاااااااااااااص بنموووووووووت
والتصوير الحلو حتى هو والفن في تنزيل الصور ياااااااه.............مشكورة يازهورة وسلم ايدياتك

**الساجدة لله** · 03-22-2012, 11:52 PM

يمي يمي ماشاء الله على العصيبينات هادم متواضعااااااات امالا اللي قايمين خشومهم كيف

هههههههههههههههههه يعطيك الصحة زهورة عصيبينات يردو الرووووح ويستاهلو التقيييييم

**أمـ ساره** · 03-23-2012, 12:24 AM

الله عليك يا زهورة

هكي اديري عصبان وما تحسبيني

نبي حصتي دبريلي خير ما نحرج منك

ابعثي لي المصارين ب الكرشة ما نحبها

ماشاء الله عصبنات ايجو في الخاطر والله

بالهني والعافية على قلوبكم

وأحلى تقييييم لأحلى عصبان

**مغتربة 7** · 03-23-2012, 01:08 AM

يمييييييييييييييي
ماشاء الله عصبان ايجي فى الخاطر
هذا كله متواضع يازهورة يهبل
تسلم الايادي حبيبة
وصحتين على قلوبكم
وحتى اني نبي حصتي زي ام سارة ما دخلني
احلى تقيييييييم لعيونك

**ام سحر** · 03-23-2012, 01:18 AM

عصبينات مقومات يجو في الخاطر..سفهتيني فية نبي منه حتى اني ههههه
بالهني والصحة على قلوبكم
سلم ايدياتك

**أم ميوسة** · 03-23-2012, 09:16 AM

زهورة شن الحاجات الحلوة هادي

خليتيه في خاطري :d دبريلي بجديات

وشن الصور الحلوة هادي والكسكيس محلاه

شكلك تسكني في بريطانيا واحدة بدير روحها ذكية ههههههههههه

تسلم ايدياتك عصيبنات قالوا متوضعات صنتهم قالبة المنتدى

ماله كان مغرورات شن صار فينا

أحلى تقييم ليك يا زهورة