بسم الله نبداء
طبعاً زي ماقالو الاخوات نحس في ضيفتنا قريبة من بعض
طبعا سفرة المية والمناديل تكون واتية ومجهزة ومعطرة وطبعاً عملتها في ضيافتي للسعوديات واليمنية وسألوني على الطعم اللي بالميةوقلتلهم هكي في ليبيا نقدمو فيها عجبتهم جداً
وتنحط قدام الضيوف
والمناديل تتفني في تطبيقتهن
ونحب نحط في سفرة المية عالجنب ورد صناعي لكن يكون شكلة وحجمة مش كبير مناسب للسفرة كنوع من التغيير
اول شي عصير وشوكلاتة
وكأس العصير نحطة من تحت في اكسسوار بسيط مرات عندي عقد مقطوع ناخذ حباتة ونضيفلهم اي حاجة ونحطهم في كعب الكوب الصقهم ومران بشريط زينة
طبعاً لما يكونو الضيوف اول مرة يجوني اما الاحباب واللي اني وياهم البساط أحمدي فعادي
وفية حركة نحبها اني نحط في مكعبات الثلج فاكهه ونعبيهم مية لما يجمدو يقدمو في كاسات العصير حسب نوع العصير تكون الفاكهه
وبعدين نقدم العشي او الغذي وعندي حركة نحبها
في السفرة نحط في مناديل حاطة فيهم حلوة نعناع علكة او حلوة مص صغيرة واطبقها بطريقة انيقة واقفلها بعيدان الاسنان
بعدين كابتشينو ونوعين حلويات او ثلاث
وبعدين الفاكهة ما نديرها فروت سلطة واما نزينها بتقطعيها ونقدمها بشكل حلو
وشنو تاني
بالنسبة للمغسلة لما يكون الاشخاص كبار بالعمر
الله يكرمكم الحمام يكون جاهز ومعطر ومطبقة فيها المناشف والصابون جديد
وكان اذكرت حاجة نرجع نكتبها ليكم
ولي عودة للموضوع حتى استفيد من أفكار الحلوات
المفضلات