[طعمية الفلافل] من مطبخ مهاجرة ليبية

[مهاجره ليبيه]

الطعميه او الفلافل



سامحوني عاودت الموضوع لان الصور طلعوا كبار هلبه
حشموني والله
بعتت للادارة معدلوهمش فقلت نعادوده خير
هيا تعالوا وجيبوا ردودكم هنا



وزي ماقلت هو اهداء لاخت الغاليه الساجده لله
مع الشكر على التشجيع

وطبعا هي من الاكلات اللي نحبها وحتى اماليا يحبوها من يدياتي
اسئلوا حتى احساسي بيك


المقادير

طبعا من غير موازين يعني بالعين
معدنوس - شبت - كسبر اخضر -بصل اخضر بصل عادي راس او تنين مش اكثر
ثومه - راس فلفل اخضر - حمص طيعا يكون منقع - وفول بردوا منقع
نقرضوا الخضره وبعدها نخلطوهم مع بعض
ونبدو رحله الرحي في الماكينه
رحيتها مرتين انا وكل ما كان اكثر احسن




بعدها نفقسوا عليها دحيه
ونحطولها شويه فلفل اسود وحرارات وملح وكمون حوت
وشويه بيكنبودر براس كاشيك صغير
ونخلطوهم كويس مع بعض

نحضرو زيت على النار بس لازم يكون في طاوة ولا طنجره صغيره غارقه
ونبدوا القلي تشكلوها بفورمه الطعميه او بالكاشيك
انا درتها بالكاشيك لان ماعنديش فورمه
وتحطيها في الزيت وهو سخون

وهذا شكلها بعد ما طابت









وتاكلوها زي ماتحبوا مع الخبزه العربيه او الفطيره
درت معاها خبزه عيجينه عاديه بس نخلط في الدقيق الاسمر
ماهو قلتلكم دايييييييييييييييييييت
طيبتها في شوايه اللحم
وسلاطه مشكله









السلاطه طبقات في الاول خضره مقلبيه مربعات
بطاطا وبادنجان وجزر
ودره وبازليا مسلوقين
وبعدها كسبر مقرض ومتبل باللليم القارص والملح والفلفل الاسود
واخر طبقه
حمص مطبوخ نظربه في الخلاط مع شوبه الميه تاعه
وليم وكاشيكين طحينه وثوم
وتصبيها من فوق
وهذه صورة اوضح

صحتين وان شاء الله ينال الطبق اعجابكم