السلام عليكم ورحمة الله وبركاته
مشاركتي في مسابقة
مبدعة المعجنات
فطائر بعجينة الكولاج
عجينة الكولاج لانواع الحلو والمالح
لو طلعتي وتسوقتي ماتتردي في شرائها
لانك ممكن تخترعي بيها اي نوع
ولذيذة وتقرمش ومميزة في التقديم
المقادير:
عجينة الكولاج
لحم مفروم
بصل+زنجبيل اخضر+طماطم اخضر+فلفل اخضر
بهارتك المفضلة+زيت تشويح+ملح
الطريقة:
استعملت الزنجبيل الاخضر لانه نكته مميزة
شوية زيت في الطاجين لتطييب المفروم
فرمت الزنجبيل الاخضر الطازج
بعد يذوب ويتداخل مع المفروم نضيف
البصل والطماطم والفلفل بعد فرمهم
نحرك دقيقتين وانضيف البهارات والملح
بهارتي[بهارمشكل+فلفل احمر+كروية+عود لحم]
وانغطيه الى ان ينضج تماما
بعدها انجهز للحشو
[مفروم+زيتون اخضر+زبدة مذابة]
اني اخترت ثلاث طبقات واكيد لو اتحبي اتزيدي
وبين كل طبقة واخرى ندهن بالزبدة
نضيف المفروم
وانصكرها من الجوانب بها الشكل
وانحط حبت الزيتونة وعلى الفرن طوالي
وانتبهي ماتاخدش وقت ولا تحتاج درجة مرتفعة
وهادا الشكل النهائي
وهادي مشاركتي فطائري الشهية
وأكيد حتعجبكم ههههه
أرجو منكم أن تدعو لجنوبنا الحبيب
وان يفرج الله همهم ويحمي بلادنا
المفضلات