[مشاركة في مسابقة مبدعة المعجنات2012] كريب الدجاج والجبن من مطبخ sweet nona

[sweet nona]

السلام عليكم ورحمة الله وبركاته





حبوبات المطبخ الليبي

أتمنى أن تكونو جميعا بخير وعافية

طريقتي فالكريب

معتادة

بس لعيونكم

حبيت انشارك في المسابقة

ونوريكم طريقتي

*مقادير الكريب*
1 كوب دقيق
نص كوب حليب
نص كوب زبدة
بيضتين
****************************
*مقادير الحشوة*
صدر دجاجة
حبتين بصل مقطعة جوانح
حبتين قرن فلفل اخضر
ملح+بزار[كركم]
3جبنة مثلثات
نص كوب جبنة سائلة
***************************
*للتغطية*
بقسماط
بيضة
زيت للقلي
***************************
*الطريقة*

خلطت المقادير بالمضرب الكهربائي حتى تكونت عجينة نص سائلة



في مقلاة مدهونة بالزيت نصب العجينة
على حسب كبر الشكل الي تحبيه
اني نحبها متوسطة



لين يتم مقداري بالكامل حوالي 15 طرف



وتوا نبدا في الحشوة انحط شوية زيت والبصل والفلفل
وبعدها الدجاج والملح والبزار
انخليهم شويا وانصب نص كوب ماء وانغطيها لين ايطيب الدجاج



بعد ايطيب الدجاج نخلط معاه الجبنتين وهكي شكله
مممممممم طعمته رووووعة
وانجهز كل شي



دهنتها بهريسة لو اتحبي وضفت الحشوة



ولو الكريب امتاعك رقيق عادي
اني انحبه غليظ شوي
دهنت جوانبه بالبيض والحليب باش يلصق



وانطبق بهالشكل



وكملتهم



البيض ضفتله شوي ملح وشوي مية للتخفيف



نغطس في البيض والبقسماط



وبعدها للزيت الحار



وتوا جااااااااااااااااااااهزة



يم يم يم يم يم يم يم



*جربوها ومش حتندمو*

*وادعو لسويت حبيبتكم*

[مغتربة 7]

حجز مكان نشبح فى المصراتية تحت :d

[المصراتيه]

واااااااااااو والله الا روعه حق
نبي نعرف جديات خشيتي المطبخ في التانويه ولا غير تبصري لان امممممممممم
ماشاءالله محلاها طريقتك اول مره نشبح كريب بالبشماط وتوا بتجربها وتو ندعيلك بعد انجربها خخخخخخخخخ
اسمعي عديتهلك بطرف 15 حقه هههههههه
كني اني ناكل طرفين قبل انغمسهن اقل شي انضوق ههه
يحقلي ناخد التبسي لان اول وحده محضوضه
يعطيك الصحه وتسلم يدياتك واحلي تقييييييييييييييييييم
موفقه في المسابقه ان شاءالله

[مغتربة 7]

غير شن هذا هبلتينا راااااااااااه وخديت الصوينية ياحنة


بسم الله ماشاء الله عليك ياسويتتنا
كريب يهببببببببببببل ومنظره ياخد العقل
مميزة ومبدعة كالعادة مستقبلك زاهر ان شاء الله
تسلم الايادي الى تلتف بالحرير
وراح انجربه ولا يهمك
اكيد على التقيييييييييييييييييم طوالي
ودعوتي ليك ان شاء الله فى الليل ربي يرزق بولد الحلال الى يعرف قيمتك ياااااااارب

[المصراتيه]

هههههههههههههههههههههههههههههههه
عطك الهني يا مغتربه وخلاص
والله متت من الضحك
لا لا لا ماهو اني لهيت بديت نكتب طول كيف الخايبه
مره تانيه ابنبعت نقطه ماركزتش لوطا هههههههههههه
يعطيك الصحه والله

[مغتربة 7]

مصراتية يابنية عمي وين يحقلك تاخدي الصحن سبقتك راه فاتك القطار فاتك القطار
خيرها فى غيرها هاهاها

[المصراتيه]

مغتربه هنا 15 طرف بما اني خشيت الاولي وانتي سبقتي مكاني نقسموهن بالنص
يعني انتي 7 طروف واني 8 شن رايك
موفقه؟؟؟؟؟؟؟؟؟؟

[مغتربة 7]

خليني انفكر فى الموضوع

باهي انديروا اتفاق كان انتي مرة تانية تسبقيني تقسمي معاي
ولا انغير رأي راه ههههههههههههههههههه

حي علينا من سويت الما تورينا

[sweet nona]

ههههههههههههه
والله ضحكتوني نضحك بدموعي خلاص
امنورة عالحجز مغتربة7
مصراتية بجديات خشيت من التانوي بس اني
انحب الطبخ بصفة عامة
ياودي ساد تحشمي فيا خلي الكلام الحلو بروحنا
نتحشم اني راه
ههههههههه
والله ضحكتيني فهاليل وكلهم راقدين نضحك بروحي
اني قلت تقريبا 15 ومش غير انتي حتى اني ضقته
هههههههههه
اااااااااااااا اسمعو
ماتحطونيش بيناتكم
عاد هوا اول صحن معروفة عاد
لكن عادي الي فوق امعبي
شوفي مغتربة7
تسلمي عالتقييم والتشجيع
ياحلوة

[sweet nona]

عاد انتم بناويت عم غدوة ايجو البنات ويضحكو عليكم
هههههههههههههههه
والله ميتة من الضحك
انتم برا عندكم اشبح الساعة كم
واني نضحك بروحي
هههههههههه
الساعة2ونص
مغتربة تسلمي
وجربيه يهبل