[ مشاركة في مسابقة مبدعة المعجنات لعام 2012 ] خبز البيتا Pita من مطبخ أم عبدالرحمن

**om_adnan** · 05-19-2012, 06:54 PM

ما شاء الله أم عبدالرحمن,خبزة إتسهف,أكثر شى عجبنى فى موضوعك النصائح ,فعلا مفيدة جدا,موفقة فى دراستك ان شاء الله,فى العادة كليبين ما عندنش معلومات كافية على المطبخ الفرنسى,لو عندك فكرة أو وصفة ياريت تشاركينا.

**نسمه ليبيه** · 05-21-2012, 12:30 AM

عجبتنى الخبزه ماشاء الله وبنطبقها

بس قصدك غلى الرف السفلى مباشره والا نحطوها فى طاجين؟

**أم عبدالرحمن** · 05-26-2012, 10:54 AM

شكرا للجميع على المرور والتقييم والتشجيع...

**أم عبدالرحمن** · 05-26-2012, 11:02 AM

المشاركة الأصلية كتبت بواسطة نسمه ليبيه

عجبتنى الخبزه ماشاء الله وبنطبقها

بس قصدك غلى الرف السفلى مباشره والا نحطوها فى طاجين؟

لو بطيبيها فى الكوشة حطيها فى الرف السفلى وتكون الكوشة سخونة بس لفيها اول ماتطلع فى فوطة ليش منيبسش
بس الافضل لو طيبيها فى الطاوة على الغاز تجي اطري واحلى ...

**وصال** · 05-26-2012, 11:35 AM

صحة إيدياتك يا أم عبد الرحمن ويعطيك الصحة على هالخبيزة
ولك أحلى تقيييم

**أم عبدالرحمن** · 05-26-2012, 07:12 PM

المشاركة الأصلية كتبت بواسطة om_adnan

ما شاء الله أم عبدالرحمن,خبزة إتسهف,أكثر شى عجبنى فى موضوعك النصائح ,فعلا مفيدة جدا,موفقة فى دراستك ان شاء الله,فى العادة كليبين ما عندنش معلومات كافية على المطبخ الفرنسى,لو عندك فكرة أو وصفة ياريت تشاركينا.

صحيتي وشكرا على المرور .....وان شاء الله ربي يوفقك دنيا واخرة .....بالنسبة للمعجنات الفرنسية معروفة عندنا ...زى الكريب - الكروسون -فطيرة الملوك -موس الشكلاته-تارت الكسترد بالفواكه وتارت الشكلاته - الملفيه - والمكرون . ...هذه اغلب الحاجات اللى تلقيها فى محلاتهم... بالنسبة للحار مكليت عندهم شئ .... لانه كل شئ يضيفوله فى الكحول ....مرة كنت نبي نجرب شربيةالبصل اللى مشهورين بيها هلبا لما سألت عليها قالولى يضيفولها في كحول ....يعني ياما لحم مش حلال ياما كحول...حتى السلطة يضيفولها فى خل فيه كحول .....