[تمت الإجابة][ استفسار ] دهان الطبيخة

[jolia]

السلام عليكم بنات نبى نسال عن دهان الطبيخة انا كل منكثر الزيت مايطلعش عندى الا بعد ماتبرد الطبيخة وانى نحتاجه لتحبيب الرشدة والا الكسكسى . اللى تعرف الطريقة كيف تقولى جعله الله فى ميزان حسناتكم

[هذيان!]

وعليكم السلام

لما تبي ذهان في الطبيخة طيبي بزيت الدرة

ولو تبي الدهان يطفح كله حطي شوي نعناع مرحي قبل ما طفي على الوجبة بثواني

[أمـ ساره]

حبوبة انتي تسألي على مرقة المسقي

الأفضل انك تطيبيها بلحم الضآن ويكون فيه شوية شحم


وبعدين تقدري اتكثري الزيت في البصلة لو طيبي فيها بروحها



وكثري الزيت في مرقة اللحم

اني اندير فيها وتجي مدهنة عادي

وان شاء الله يفيدوك الأخوات



وياريت تتقيدي بكتابة العنوان حسب الشروط والقوانين

[مغتربة 7]

ماشاء الله البنات ماقصروا
واني انزيد انقولك بما انك تحطي فى هلبة زيت معناه نارك قوية
لما تبي الدهان يطلع فوق نقصي على النار وحتى الاكل اتجي طعمته احلى
ان شاء الله انكون فدتك
ويلا ورينا اطباقك اللذيذة

[sweet nona]

حتى اني من راي مغتربة7

نقصي النار باش يطلعلك زيت اكتر بما انك تكتري فالزيت ومايطلعلكش
وهيا ااااااااا
ريحة المبوخ رز ولا كسكسي
وصلت للمنتدى
نستنو فيه
ههه

[خلود]

حبيبتى جوليا
خودى مقدار من الماء البارد وحطيه على الطبيخة وأستنى شوى طبعا أتكون النار منخفضة وتو تلقى الدهان كله فوق
موفقه