[عجينه الباف باستري] لعيون خدوج من مطبخ المصراتيه

**المصراتيه** · 04-09-2012, 01:11 PM

اهلا وسهلا بالجميع
نبدا بالعجينه علي طول وهيا

عجينه الباف باستري او المنتفخه

العجيـــــــنه:

كوبين دقيق
ربع كوب زبده متلجه
نص ملعقه صغيره ملح
ملعقه صغيره سكر
كوب الا شويا ماء متلج
كوب زبده متلجه للتوريق

الطريقـــــــه:

نغربل الدقيق مع الملح والسكر ونخلطهم جميع ونحط

عليهن الزبده ونعجنها بالاطراف الاصابع بسرعه

ندير حفره في الوسط ونصب فيها الميه ونعجن
بسرعه باطراف الاصابع نفس الشي
نكورها ونغطيها بنايلو وندخلها للتلاجه نص ساعه

بالنسبه لزبده التوريق لازم تكون كتله شريحه
وحده ومتلجه يعني تقدري تحطيها بين قطعتين نايلو
وتفرديها لو كانت الكتله غليطه

بعد ما نطلع العجينه من التلاجه ونرش عليها
دقيق ونفردها من الجهات الاربعه وتكون من
الوسط سمييييكه ولازم قبل نحط الزبده نحول الدقيق اللي فردنا بيه

نحط قطعه الزبده في الوسط ونسكر عليها كويس
بجهات العجينه الاربعه علي شكل ظرف

نرش فوقها وتحتها دقيق نفرد بخفه والفرد
يكون علي شكل ظربات خفيفه فوق العجينه
وان شاءالله واضح في الصوره نحول الدقيق كوييييس

نطبقها علي تلاته او علي اربعه

ويكون هكي شكلها في التطبيقتين

ونفردها بحيت تكون جهت الفرد من الجهه

المفتوحه كيف الصوره وهكدا

نطبقها مره اخري ونغلفها بالنايلو وندخلها

للتلاجه نص ساعه وبعد نص ساعه نطلعها

ملاحظه: ولو حسينا ان الزبده بدت تطلع من

العجينه حتي شويا علي طول انسيبها وندخلها للتلاجه .......

ولو العجينه تحسيها قاعده كويسه تقدري

اديري تطبيقتين في مره وحده اختصار للوقت...
المهم

ادا كان طبقناها علي تلاته معناها بنكرر

فرد العجينه 6 مرات ولو كان طبقناها

علي اربعه بنكرر فرد العجينه 4 مرات

وفي المره الاخيره نفردها ونطبقها

ونغلفها بالنايلو وندخلها للتلاجه ونستعملها

بعدها بيوم او اي يوم اخر المهم مش نفس اليوم

وهدي العجينه تاني يوم

وهدا تطبيقي للعجينه

وان شاءالله فهمتوها كويس وتجربوها واي سؤال عليها تفضلو
وسلام

**منار** · 04-09-2012, 01:30 PM

تبارك الرحمن يسلموا ايديك نبى نسئلك اى نوع زبدة استخدمتى

**مغتربة 7** · 04-09-2012, 04:26 PM

فنانة بصراحة يامصراتية
ماشاء الله عليك
روووعة طريقتها العجينة
موضوع تحفة ويستاهل التقييييييييم
منورة عزيزتي

**بنت حواء** · 04-09-2012, 04:34 PM

ماشاء الله يامصراتية طريقتك واضحة ومفهومة والصور اللي بعدها تجنن.......... سلمت يداك

**حاملة الورد** · 04-09-2012, 06:10 PM

كنت ديما نحسابها صعبة ونشري فيها جاهزة لكن توى سهلتيها عليا بارك الله فيك

**خدوج** · 04-09-2012, 09:49 PM

الله ينور دربك
الله يجعل حياتك خير وبركة
الله يفتح لك كل الابواب
الله ييسر كل امورك
الله يفتحلك ابواب الخير
اللهم احفظ المصراتية وبارك فى عملها واحفظ لها احبابها وحبب خلقك فيها
وبارك لها فى سائر ايامها ووفقها لما تحب وترضى ..اللهم امين
باذن الله قريبا حنجربها..شكرا لك..تقييمى لك

**مغتربة 7** · 04-09-2012, 10:07 PM

بحبحي يامصراتية بدعوات خدووووووووووووج الحلوة

**خدوج** · 04-09-2012, 10:16 PM

مصراتية
بنكرر فرد العجينة اربع مرات كل مرة اربع تطبيقات
والزبدة مثلجة يعنى بايته فى الثلج(مجمدة) ؟؟والا موجودة فى الثلجة بي
ولمن نفردهاونشكل بيها تكون فى زوائدمن العجينة نقدر نستغل هالزوائ ونفردها ونستعملها
وشوفى روحك ماعاد تبطل نشدة؟؟ههههههههههه
تحملينى شوى يامصراتية وربى يعطيك الخير كله

**sweet nona** · 04-09-2012, 10:19 PM

وحيدة بي ياخدوج عوة وحيدة
هادا كله للمصراتية
ماشالله لكن ترا انشوف ترا
ااااااااااااااا
حق والله تستاهل الدعوات الحلوة
حتى اني ياخدوج اندور فيها
وتسلمي يامصراتية موضوع يستحق التثبيت حق
واحلى تقييم

**المصراتيه** · 04-09-2012, 11:05 PM

منار هلا بيك حبوبه نورتي موضوعي
بالنسبه للزبده استخدمت الزبده العاديه لكن كان لقيتي زبده مكتوب عليها زبده التوريق هدي الاحسن

مغتربه 7 يا غاليه بارك الله فيك وانتي ديما في الوجود ردي بالك تغيبي عليا

بنيت حواء صحيتي يا حلوه مع اني كنت ناعسه واني نحط في الصور ناخد ونقول ان شاءالله الموضوع مرتب ومفهوم

حامله الورد وفيك تبارك الله ،،ولا بالعكس مش صعبه بس تبي شويت وقت والمره التانيه تلقي روحك معاش تبي تشريها من سهولتها وربي يعاونك ان شاءالله

خدوج تبي الحق خجلتينييييييييييييييي والله معاد عرفت كيف انرد عليك ،،،،وين هدا كله دعوات ليا ماشاءالله عليك وامييييييييين يا رب ااااااه

الموضوع: [عجينه الباف باستري] لعيون خدوج من مطبخ المصراتيه

أدوات الموضوع

عرض

[عجينه الباف باستري] لعيون خدوج من مطبخ المصراتيه

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة