[مشاركة في مسابقة مبدعة الفراولة2012] كريب بالفراوله من مطبخ المصراتيه

**المصراتيه** · 04-11-2012, 12:46 PM

اهلا وسهلا بالغوالي
اليوم درتلكم كريب الفراوله اللي ديما اندير فيه خصوصا لما حد يجي علي فجآه لان ساهل وحلو والحشو اي شي تحبيه

المقاديــــــــــــــــــــــــر:
كوب حليب
كوب دقيق
3 بيض
ملعقتين سكر
رشه ملح

الحشـــــــــــــــــــــــــــو:
كريمه مخفوقه
فراوله
سكر

شكولاته للتزين

الطريقه
يخلط الحليب مع البيض والدقيق والسكر ورشه الملح كويس ونغطيه نخليه يتريح 15 دقيقه

تقطع الفراوله الي شريح ويوضع عليها سكر ونخليها في التلاجه لوقت استخدامها

ناخد مقلاه تيفال وندهنها بالزبده ونحط فيها مقدار ملعقتين كبار من العجينه ونقلبها علي الجيهتين وهكدا

نحط في كل قطعه كريمه

نحط فوقها فراوله

ونسكرها علي شكل قمع
تخطط بالشكولاته وتقدم

وصحتين وان شاءالله تعجبكم

**كيمو 2010** · 04-11-2012, 12:53 PM

شكلها ايجنن

**أم ميوسة** · 04-11-2012, 01:48 PM

وااااااااااااااو شكلها يجنن تقول في مقهى راقي

شن الابداعات هادي كلها يا مصراتية ربي يحفظك

كريب ولا حلى ولا أشهى تسلم ايدياتك حبوبة

أحلى تقييم ليك

وموفقة في المسابقة

**sweet nona** · 04-11-2012, 02:05 PM

lllllllllllll
ممممممممممممممممممممم
كريب الحلو مش مفضل عندي
بس الشكل ايجنن محلاه وفكرة تقديم مميزة
نجيلنا مصراتيتنا الفالحة
تي غادي وانتي اداعكي هههههههههه
احلى تقيييييييييييييييييييييم
مش زيك
بنشدها ليك العمر كله
هههههههههه

**مغتربة 7** · 04-11-2012, 02:43 PM

حد يشوف الصحن هذا ويخليه خيركم العفو

بسم الله ماشاء الله
شن ها الابداع يامصراتية تبارك الرحمن عليك وعلى ايدياتك
فالحة فالحة الصراحة ربي يعطيك الصحة
انموت فيه كريب الفراولة وطالع معك مش عادي
تسلم الايادي حبيبتي
مشاركة تهببببببببببببببببببببل وتستاهلى النجمات
موفقة

**بنت حواء** · 04-11-2012, 04:39 PM

ماشاء الله........ لا خلاص أنت ان شاء الله مبدعة الفراولة يامصراتية
الحق أنه تححححفة ويجنننننن إبدااااااااااع بجد
سلم يديك........ وبالتوفيق ان شاء الله

**المصراتيه** · 04-11-2012, 10:47 PM

كيمو تسلمي حبوبه
ام ميوسه شكرا شكرا خجلتيني معناها ننفع نخدم في مقهي؟؟؟؟ههههههههههه
تسلمي يا غاليه علي تقيمك الحلو

سويت هههههههههههه اني اللي نداعك والا انتي
اختك توا بتروح بعد سمعت المسابقه تمت وكملتي التدعيك ههههههه
شكررررررررررررا علي مرورك العطططططر

مغتربه7 ياربي نجيك وخلاص
ريتي حصتك قاسمتلك قاعده معناها اللي عنده نصيب يجيه لعنده معاش تاخدي حصصي ماشي
هههههههه بارك الله فيك علي التقيم ونجيمات الحلوات

بنيت حواء ربي يباركلي فيك
مش مهم اني اني نكون المبدعه ههههههههه المهم نشاركو ونتعلمو
بارك الله فيك يا غاليه

**الساجدة لله** · 04-12-2012, 12:24 AM

مصراتية بنية عمي لووووووواه حرقتي الفيلم امتاعي شكلك اليوم في كوجينتي كنت هههههههههههههه
باهي انزل انا الموضوع والا بتقولي نقاالة ههههههههههههههه حبيبة ربي يفرحك بعيلتك يااارب
متخافيش وانا نشوف فيك رعشتي وليتي مستخضرة ههههههههه انا حشوتي زيك الا ربع ههههه
تو تشوفيها غدوة شن هي وياودي ابدعتي ياغالية ياسلمها الفالحة اللي ماشاء الله زي الطقاشة
هههههههههههههههههههههههههههههههههههههههههههههههههه هههههههههههههههههههههههه
خودي النجمات يانجمة انت

**المصراتيه** · 04-12-2012, 12:45 AM

هههههههههههههههه
لالا نفرح اني هيا نزلي ،،ماشبحتيش الكميرات اللي حاطتهلك في مطبخك هههههههههه اني اللي نعايب فيك

عطيك الصحه وسلمك علي النجمات يا غاليه ونراجي في مشاركتك