[ مشاركة في مسابقة مبدعة المعجنات لعام 2012 ] الكانيلوني من مطبخ الساجدة لله

[الساجدة لله]

السلام عليكم ورحمة الله وبركاته





اليوم جيت وجبتلكم معاي كانيلوني وان شاء الله يعجبكم ويعجب مغتربة 7


المقادير للكانيلوني

لكل 1 ك حليب , 1 بيضة ورشة ملح ورشة فلفل اسود وملاعق طحين والحق انا نحس بيها لما نحسه بدي يتكاتف

الحشوة درت تونا وهريسة والحشوة الاخرى كانت لحم مفروم معصج .




طبعا طيبته بالطريقة المعروفة في مقلاة تيفال الغير لاصقة









وحشيت بالمفروم ولفيتها وصفيتها في الطاجين , اما حشوة التونا فدهنت كل شريحة بالهريسة العربية وحطيت التونا المفتتة وحطيت عليها جبنة مبشورة ولفيتها وصفيته في طاجين ودرتله صوص طماطم بالثوم والبصل ومعجون الطماطم ورشيت عليه جبنة حمراء مبشورة







وتم الهجوم عليه حتى قبل وضعه في صحن التقديم ههههههههههههه (عمليات التمشيط )

وان شاء الله يعجبكم

[المصراتيه]

ماشاااااءالله لا قوه الا بالله
غابت وجابت معاها الصواريخ هههههه
طبعا اني اول من بديت في عمليه التمشيط رد بالكم من حصتي يا ضيوف
تسلم الأيادي الحلوات وصحتين علي الأحباب
بالتوفيق في المسابقة سجود

[مغتربة 7]

شن قصتك معاي اليوم يامصراتية ولا عارفتني جعانة اديري هكي عندك للعشية الصحن تاخديه ولا نرجعله هاني قوتل وبعدين يبدا التمشيط حق



الله الله يا احلى سجودة اكيد عجبني ياغالية
ماشاء الله تبارك الرحمن كانيلوني يهبببببببببببل ومنظر الجبنة يجنن جي فى خاطر
تسلم الايادي يااحلى سجودة
واحلىىىىىىىىىىىىىى تقيييييييييييييييييم لعيونك
منور الركن

[بنت حواء]

كانيلوني يجننننن تبارك الرحمان........ سلمت يداك ياساجدة......... وموفقة ان شاء الله

[المصراتيه]

حتي اني عجبتني الجبنه واجد
احلي تقييييييييم

مغتربه7
لالا يا غاليه اللي سبق كلي النبق
عارفه ان عشيتك يبدا فجر عندي يعني نكون راقده خلاص كلمه وقلناها التبسي كللللله ليا

سجوده حصتي أمانه عندك

[sweet nona]

مغتربة7 والمصراتية
شني بدا الدعاك صوتكم جاني واني في الصالون
عيب راه وبعتالي اني مش الشاهد بيناتكم ولا
الحق حق المصراتية وصلت الاولى
لكن الاتفاق بالنص عاد قسمة خوت
ههههههههههه
سجودة امطيبتلكم اليوم وانتم تتعارو باهي ماطيبلكم ديما كان هادا شن درتو
ههههههههههههه
سجودة كانيلوني تحفة ماشالله من تحت ايديك
والتمشيط عليا ولا يهمك
واحلى تقييييييييييم

[ترهونيه حره]

كانيلونى يهبل يا سجوده سلمت يداك اممممممم سفهتينى وانى امديره ريجيم

[أمـ ساره]

ماشاء الله لاقوة الا بالله

اشيه اشيه سجودة جتنا باكلاتها الحلوة

سلمت ايدياتك حبوبة كانلوني ايهبل ويجي في الخاطر

وطريقة حلوة وبسيطة

بالهني والعافية حبوبة

[المصراتيه]

اني جيتك وواخده حصتي معايا
لا شاهد زور ولا غيره
هدي كلها حصتي
طول الليل وني نحلم بيك يا صونيتي ونقول اكيد خدتتتتتتها

[الساجدة لله]

حي حي على العراك ههههههههههههههههههه على قولت سويتا مع ان شامة صنة تلقيح في كلامك

كلامك متع مااطيبش ديما هههههههههههههههههههههههههه انطيب لاكن مش ديما مخالفات قانونية

على شان المنتدى فقط اما انا والمحروس والارانب شورنا الصحي واللي مش عاجبه نظام

ابلع واسكت من وقت لتاني نخلعهم خلعات هههههههههههههههههههههههههههههه

وانتم اللي تتعاركو المشكلة كلكم مصراتية بما فيكم انا واللي مش مصراتية عاشت فيها سنين

ههههههههههههههههه تعاركو تعاركو ومشطو عادي لاكن تمشيط بدون اربعطاشات ههههههه

تسلمو على الردود الحلوة زيكم ياغاليات