[ رز مبوخ بالصالصة والخضرة المقلية ] من مطبخ أسماء القائد

[أسماء القائد]

أرز مبوخ بالصالصة والخضرة المقلية



المقادير
أرز
صدر دجاج
3ملاعق طماطم حكة
ملعقة فلفل أحمر
ربع ملعقة كركم
ثوم كسبر وكروية
فلفل أسود
قرن فلفل أخضر حار
بصلة صغيرة
ملح زيت

خضار القلي
بطاطا - كوسة - باذنجان - فلفل أخضر وممكن أضافة الجزرتقطع
أصابع وتقلى ...



طريقة التحضير
1) نحط الزيت + الثوم المدقوق مع الكسبر والكرويةيقلى شوية ثم يضاف الطماطم ونخليه يقلي شوية ثم صدر الدجاج + الفلفل الأحمر + والكركم + والملحونمرقه بشوية امية..
2) نغسل الأرز ونحطه في الكسكاس فوق طنجرة الصالصةونخليه عشرة دقايق وبعدين انقعه في ماء ساخن وملح..
3) في الوقت هذا نضيف للصالصة رأس بصل صغير وقرن الفلفل الحارمفرومين ناعم ..
4) بعد ماتنقع الرز انرده في الكسكاس حتى النضج ..
5) قبل مانطفي على الصالصة نضيف شوية ثوم وكسبر وكروية وفلفل أسود ولازم اتكون عاقدة وبهكى تكون الصالصة جاهزة ..
6) نحبب الرز ونرش عليه حرارات البصلة ونضيفله الخضرة المقلية ونفتت
صدر الدجاج ونخلطه مع الرز ..





وصحتين ..

عندى مشكلة في جهازى فى التنزيل أضطريت أنى أنزلهم في صفحتى في الفيس

وبعدين انقلتهم للمنتدى يارب يعجبكم أول موضوع انزله من إيديا ..

[مغتربة 7]

اكيد عجبنا من ايدين سومة
رزززززززززز يجنن وايجي فى الخاطر
والطريقة سااااهلة وحلوة
والمنظر ياااخد العقل
تسلم الايادي حبيبة
احلى تقييييييييييييييييييييييم لعيونك
لاتحرمينا من وصفاتك اللذيذة

[حاملة الورد]

ما شاء الله ويعطيك العافية
حتى أني اندير فيه بس طريقتي تختلف شوية عنك وبإذن الله أول مانحصل الفرصةإنزله

[المصراتيه]

ماشاءالله
شكله حللللللللو يعطيك الصحه وسلم يدياتك

[الساجدة لله]

ياعيني ياعيني على اول مرة تنزل امالا تاني وتالت مرة شن بيصير فينا انا توا من منظر الرز اللي ماعنديش روح

معاه هبللللللت ماشاء الله ياغالية وتستحقي التقييم

[كيمو 2010]

روووووووووووووووووووعة سلمت يداك

[أسماء القائد]

أسعدني مروركم وأعجابكم ....شكرآ لكم

[شروق الشمس]

ماشاء الله
رز يجي في الخاطر
تسلم دياتك
و صحة علي قلوبكم
بارك الله فيك

[أم أيوب]

ماشاء الله يا سومة رزيزة ترد الروح

يسلمو ايديك

بس اسمحيلي عدلت عنوان موضوعك بما يتماشى مع قوانين المنتدى

[sweet nona]

ممممممم
رز ايسهف ياسومة
جوعتيني عقلي الرز بانواعه
تم التقييم