[مشاركة في ملف العجة]عجة البصل والزنجبيل من مطبخ sweet nona

**sweet nona** · 04-17-2012, 05:10 PM

السلام عليكم ورحمة الله وبركاته

العجة الصحية

احم احم احم

طبعا بعد تفكير في تغيير هلباا حاجات

على عيون سجودة باش تطلع عجة صحية

ونواضبو على الآكل الصحي

والمشكله بدون ملح

ههههه

إن شاءالله ربي يقدرنا

نبدا

المقادير

بصل أخضر+معدنوس+فلفل أخضر+زنجبيل أخضر
بيض+بهاراتي الي استخدمتها(فلفل أسود+كروية+بزار)
نعناع جاف

الطريقة

فرمت البصل والمعدنوس والفلفل وبشرت الزنجبيل

ضفت البيض والبهارات الي [مافيهمش ملح]

لعيون سجودة

وطبعا بعد تفكير هيا ماتبيش زيت كيف واني بنحطه فالكوشة

فاستعملت ورق الزبدة

وصبيت العجة

وهاد الشكل النهائي

الطعمة كلها زنحبيل فاايح

إن شاء الله تناال اعجابكم

وخاصة سجودة

معليشي مبتدئين

**مغتربة 7** · 04-17-2012, 05:32 PM

يسلالالالالالالالالام عليك ياسويت حتى الصحي يمشي معاي

بسم الله ماشاء الله عجة تهبببببببل
واتجي فى الخاطر
تسلم الايادي يااحلى سويت ديمة ناشطة ماشاء الله فالحة بنيتنا
مشاركة تاخد العقل وتستاهل عشرة نجمات

**بنت حواء** · 04-17-2012, 05:51 PM

ماشاااااااء الله نسحاب روحي سبقت بأول مشاركة نسيت أن في وحدة فالحة
والله عجة تسهف (ماناقصها إلا رشيشة ملح)
تسلم يديك ياسويت ولك تقييمي

**sweet nona** · 04-17-2012, 06:06 PM

مغتربة7 نورتي ياغالية على ردك ومرورك الحلو
تسلمي من ذوقك عمرك ماغبتي وان شالله ماتغيبي يارب
بنت حواء شكراا
هههههههه سبقتك لكن اكيد انتي حتسبقني فالطعم والشكل
هههههههههه
خل انتبعو سجودة باش نتعودو عالصحي
لكن اتصدقو انها عادية من غير ملح
قلت ممكن على خاطر نكهة الخضرة مع بعض مغطية عالملح
تشكرات
تشكرات
ياحلوات
وربي مايحرمني منكم

**ليبية حرة** · 04-17-2012, 06:11 PM

تسلم الأيادي ياحبوبة عجة تسهف وصح ناقصها رشة ملح لأني نموت في الملح

توا تزعل مني سجودة هههههههههههههههه

وموفقة في المسابقة وتستاهلي أحلى تقيييييييييييييييييم

**sweet nona** · 04-17-2012, 06:21 PM

ليبية شكرااا ليك
بنعودو ارواحنا
تسلمي عالتقييم
تشكراااااااااات بالهلبا

**ليبية حرة** · 04-17-2012, 06:45 PM

ماعنديش فيه جميل ياحبوبة تستاهلي التقيييييييييييييم

**الساجدة لله** · 04-17-2012, 07:42 PM

ياعيني ياعيني على كله على شان عيوني احم احم احم

ههههههههههههههههههههههههههههههههههههههههههههههه

بس شنو رايك في الطعمة باامانة ؟

جربي يوم واحد كولي من غير ملح وجربي رح تحسي بالراحة

وحاجة اخرى اذا تعاني من انتفاخ في رجليك جربي كولي من

غير ملح ورح تلقي الفرق النفاخ من رجليك وحتى جسمك

كله تحول وصدقيني والله مانبي الا الفائدة ليكم والاجر ليا

وعموما سعيدة بالترجة متاعك وبصدق شجعتوني

اني انزل ملفات اخرى وبااذن الله تستفيدو ونستفيد

معاكم وتستحقي احلى تقييم ياغالية

**sweet nona** · 04-17-2012, 07:57 PM

تسلمي سجودة

واكيدة كل مسابقة حنستفادو منها

وزي ماقتلك الطعمة عادية جدا نحكي عالخضرةممكن واخدة طعمت الملح
بس المعجنات مش عارفة
المهم شجعينا اكتر
وتشكرات