[طاجين لحم الدجاج وارز ابيض] من مطبخ لوبا

**luba** · 04-20-2012, 02:12 AM

السلام عليكم ورحمه الله بركاته

ارز ابيض بالبصل المقلي وطاجين الدجاج

نبدي في طاجين الدجاج :

نغلف الطاجين بالفويل ونخلي كميه زايدة لتغطية الدجاج

هدي المكونات تقص جوانح غليظه البصل والبطاطا والفلفل انا استخدمت فلفل ملون وكل واحد كيف يحب

الصالصه :

طبعا الكميه علي حسب مقدار الدجاج اني مقداري عيني

نص م ص ملح ورشه فلفل اسود ونص م ص اريجانو ( لم استخدمه ) و ربع م ص كزبره وربع م ص كركم

وربع كوب ليمون وربع كوب زيت زيتون وربع كوب ماء وبهارات دجاج انا استعملت

بهارات دجاج ليبيه هنديه روعه من السوق التلاتاء الحديت طرابلس

وقليل من التوم

نخلط المكونات في التتبيله ونحطها كلها في الطاجين

نسكر عليهم بالفويل كويس ونحطهم في الفرن لمده ساعه علي حراراه 180 واخر 10 دقايق نرفع الفويل ونحمرهم

وصحتين وعافيه

ا
لارز كان نوع بسمتي كوب ونصف اخد شويه من الرز بعد غسله ونحطه تقليه في طنجره فيها 3 ملاعق كبيره زيت

ولحد مايصير بني نضيفله حبات الهيل وورق الغار والملح وربع م ص بهارات او كاري

ونضيفله باقي الرز وكوبين ماء مغلي ويترك دقيقتين علي نار عاليه تم يترك 25 دقيقه علي نار هاديه جدا

يمكن خلط الارز بعد نضوجه بطاطا مقليه مكعبات
ويغطي في الوجه بالبصل الجوانح المقلي و اللوز المزلط المقلي

وان شاء الله تعجبكم نخليكم مع الصور

وصحتين وهنا

**شروق الشمس** · 04-20-2012, 02:21 AM

ماشاء الله
طويجين ايهبل
الله يعطيك الصحه
و يسلم ايدياتك الحلوات

**ترهونيه حره** · 04-20-2012, 06:58 AM

يسلمووووو الايادى يالوبا طاجين حلو والرز ايهبل ويستاهل التقييم

**دانة ليبيا** · 04-20-2012, 10:28 AM

جزاك الله خيرا
وصفة رائعةجدا

**ام سحر** · 04-20-2012, 10:48 AM

ماشاء الله طويجين يجي في الخاطر
الله يعطيك الصحة وبالهني

**المصراتيه** · 04-20-2012, 11:48 AM

ماشاءالله تبارك الرحمن
اممممممممممم رغم اني شبعانه والحمدلله لكن عادي ناكله
يعطيك الصحه وتسلم يدياتك

**luba** · 04-20-2012, 07:37 PM

شروق الشمس الله يسلم وشكرا لمرورك الحلو
ترهونيه حره شكرا علي التقييم والمرور الرائع
دانه ليبيا ايه الوصفه سهله جدا وتهبل وندير فيها في الزردات وفيها شوي حموضه تهبل من اليم
ام سحر اسعدني تواجدك الله يسلم
المصراتيه صحتين وعافيه بس بعد دقتيه شن رايك فيه وشكرا علي المرور والظاهر غروبه سفن شبعانه ماجت وخدت حتي كاشيك
وغلبتيها هالمره