[الملوي علي الطريقة الليبية ] من مطبخ لوبا

[luba]

السلام عليكم بسم الله





الملــــــــــــوي







نبدأ وهدي فكره من الاخوات في الافكار المطبخيه

فكره الاخت ليبيه الف شكر عليها







العجينه :

دقيق - ماء - ملح ( الكميه حسب المطلوب ) تعجن وتترك ترتاح 10 او 15 دقيقه






الحشوه


دقيق - زيت زيتون - سمن ( ماعندي سمن استعملت زبده )

العمليه هدي كلها مصاحبك خلطه من الزيت والسمن

الطريقه بالصور :

نقرصهم وهدا حسب الحجم اللي تريديه

وحسب حجم صونيتك وتترك ترتاح 10 دقايق






نفتح باليد في الدايره الكره الوحده وندير تجويف

ونحط فيه الحشوه ونسكر عليها علي شكل هلال نص دائره









وتكون الاولي ارتاحت مابين كملنا الكميه ونسحب بايدي


معاها لزيت عشان تسهل السحب ونسحب لين ندير شريط طويل









ونفرد قاعده في نهايه الشريط ونلف عليها الشريط لف حلزوني


فوق بعضه زي الصوره وتكون فتحه نص دائره لف علي الداخل ونكملوا المقدار








ونبدا في طرحها علي كميه من الزيت والسمن ونضعها علي التار متوسطه








وناكلوها ناشفه او مع العسل وتقص بالمقص او موس البيتزا








وهدي الطريقه التانيه

تجربه درتها ولاول مره نديرها وهيا حشيتها بعد مافردتها كاكاويه مجروشه

وسكر بوده و نحطوها في الفرن علي 180 في الرف الوسط وبعدين نحمروها من فوق

ونطلعوها ونرشوها من بره بسكر عادي او بودره ونلفوها في الفويل او القصدير

ونردوها الي الفرن بعد مانسكروا ناره لحد مايدوب شويه السكر وبالهناء

والحشوه بنتها تهبل وان شاء الله تعجبكم وفهمتوا عليا

[دانة ليبيا]

ماااااااااااشاء الله عليك لبنى
ملاوي بجد يجوا ف الخاطر
ربي يعطيك صحيحتك

[luba]

يسلمك ياغاليه وصحيتي علي المرور الحلو

[مغتربة 7]

يمييييييييييييييي
بسم الله ماشاء الله
ملوي يسهههههههههف
تسلم الايادي
تستاهلي احلى تقيييييييييييييم
على فكرة موضوعك مكانه فى ركني

[المصراتيه]

اكيد هدا ليا اممممممممممم
يعطيك الصحه وسلم يدياتك مشلتت يهبل
احلي تقيييييييييم

[ليبية حرة]

ماشاء الله شكلها يسهف تجي في الخاطر تسلم الأيادي

تستاهلي أحلى تقييييييييييييييييييييم

هادي حصتي صحيتي

[حاملة الورد]

ياهوووو خلولنا منها حتى طريف وإلي تخش تاخذ صونية هههههههه صحتين
ما شاء الله تبارك الرحمن يسلموا إيديكي

[بنت الاشراف]

​سلمت يداك

[luba]

بنات صحيتن علي المرور الرائع وهدا قليل مما عندكم
غروبه 7 ان شاء الله الصور هكي باهيات وواضحات واني مانعرف نحسابهاش عالميه
المهم ديري اللي تشوفيه مناسب انتم ادري مني واعرف

[أمـ ساره]

ماشاء الله لا قوة الا بالله

موضوع ايهبل سلمت ايدياتك وبصراحة جي في وقتها







من فترة شريتها جاهزة العجينة نطيبها بس

لكن ان شاء الله نجرب طريقتك

ربي يسلم ايدياتك الحلوة

وينقل الموضوع للركن المناسب مع تعديل العنوان