[مكرونة بالمفروم و الباذنجان] من مطبخ luba

[luba]

السلام عليكم ورحمة الله



مكرونة بالمفروم والبدنجان


اليوم طبق من زمان شفته في كتاب او منتدي مش مدكره بصراحه اسم الطبخه بس مدكره الطريقه
مكرونه مسلوقه في ماء مملح وبزار عصاج وانا اضفتله فلفل احمر روس وشويه معدنوس
وبادنجان مقلي






ونخلط العصاج مع المكرونه المسلوقه





ماعندي طاجين الورده فوضعت في الوسط صونيه الكاب كيك لانه حندخلها الفرن






وندخلها الفرن حوالي 10 دقايق او ربع ساعه علي نار متوسطه ومن تحت ونغطي

الطاجين بالفويل وبعد نخرجها من الفرن نراجيها شويه وبعدها نقلبها في الصحن
















وان شاء الله تعجبكم وتجربوها وساهله وبنه وصنه

[sweet nona]

لبنى

ههههههههههههه

المكرونة هادي حتى اني مجربتها

من زمان ولتوا طريقتها في المذكرة عندي

بس اني نتذكر بالزبط اني حاضرتها من منال العالم

بس انتي مش عارف مرات حتى انتي زي

تسلميييييييييييييييييييييييي

على فكرة اول ماشفت العنوان خطرت عليا بس ماتوقعتش اتكون هيا

المهم تسلم ايديك واحلى تقييم ليك

[لوتي]

ماشاء الله عليك يالوبا حتى أني شايفة الطريقة في برنامج للطبخ الصحي لكن منظرها يممم تسلم ايدك تستاهلي التقيييم

[luba]

سويت ممكن من منال مش عارفه والله بالضبط وين شوفي اندكر فيك بحاجات من مدكرتك هاملتيها يالله انفضي عليها الغبره وطلعي شن فيها
والله نفضت الغبره من راسي بيش طلعتها
ولوتي الله يسلمك وصحيتي علي التقييم

[نسيبة]

تستحق التقييم غالية ربي يحفظك

[مغتربة 7]

يميييييييييييييييييي
بسم الله ماشاء الله
مكرووووووونة تهبل وطريقتها جديدة عليا الحق
تسلم الايادي
احلى تقيييييييييم لعيونك

[ليبية حرة]

ماشاء الله مكرونة تسفه

الله يعطيك الصحة والعافية

يمممممممممممممممممممممي

أني نموت في البادنجان

تستاهلي أحلى تقييييييييييييييييم

[شروق الشمس]

ماشاء الله
ايهبل منظرها
و اكيد الطعم احلي
الله ايسلم ايديك

[luba]

شكرا علي المرور الحلو والتقييم وجربوها ساهله ولديده
ليبيه حره ماتموتيش علي بدنجان مازال نبوك

[بنت الاشراف]

تبارك الرحمن اول مرة نشوفها الطريقة يسلموا ايدياتك تستحقى التقييم