[طلب] طريقة نوع من الحلويات

[دانة ليبيا]

السلام عليكم ورحمة الله
اخواتي اطلب منكم مساعدتي ولو بالفكرة لمعرفة عمل هذا النوع من الحلويات , هذا الحلو ذقته من فترة في مناسبة ومن هذاك اليوم خذي عقلي وشغفي لمعرفة كيف نجهزه ,سامحوني طولت عليكم ,اني نبي نوصفهولكم لاني مانعرفش اسمه هو كان عبارة عن قلب متوسط الحجم مغلف بالشكلاتة البنية ومن الداخل طبقتين طبقة بسكويت شكلاتة والحشو ابيض قوامه اسمك من الايس كريم وتغلب عليه طعمة روح اللوز, انشاء الله غير وصلت الفكرة ولكم مني جزيل الشكر

[مغتربة 7]

وعليكم السلام ورحمة الله وبرحاته
والله يادندونة ماعندي علم اول مرة تسمع بيه طبعا من ليبيا ياتي الابداع والجديد واختك حال الغربة

لكن من وصفك فكرتها زي تكسيدوا كيك بس بسكويت

ان شاء الله الابنات يفيدوك حبيبة
تقبلي مروري

[زينب محمد]

حبوبة ممكن بسكويت شوكولا وبينها عجينة لوز ثم مغلفة بالشوكولا

[دانة ليبيا]

مغتربة تسلمي يارب صح من الليبيات الفالحات ياتي الجديد ,تعرفي بدون مبالغة انه حلو قنين ونازك هلبة هذا باش شذني ,لكن والله وخيتك الكيكة اللي قلتي عليها ما تعرفهاوبارك الله فيك علي اهتمامك


زنوبة يا غالية جزاك الله الف خير علي ردك, ما شاء الله عليك وخيتي علي فكرة عجينة اللوز والله ما خطرت في بالي , بس عجينة اللوز ممكن يكون قوامها كريمي ف الحشو سامحيني وخيتك مش هذيكا الخبرة, لان القوام حسيته كان كريمة مخلطة بشي ء اخر مخليها متماسكة