[الدجاجة المحشية بالرز والزبيب واللوز]من مطبخ خدوج

**خدوج** · 01-22-2011, 02:12 AM

السلام عليكم

اليوم عشانا دجاجة محشية
وان شاء الله تعجبكم

بهرى الدجاجة ب اكليل جبل+زعتر+ بهارات +ثوم +ملح +خل+زيت واعملى طعنات (اجرام)فى الصدر والفخد لتكتسب نكهه البهارات وخليها على جنب وياريت قبل الوقت ب2ساعة

وتجهزى ثلاثة ارباع كوب ارز
زبيب+لوزحسب الرغبة
اكليل جبل+زعتر ملعقة وسط لكل منهم
بهارات+ملح+زيت
والرز طيبيه نص طياب حسب طريقتك
خلطى المكونات

واحشى الدجاجة بخليط الارز

وسكرى الدجاجة بعيدان خشبية وحطيها فى سلفر(ورق المنيوم)

ولفيها كويس ولو احتاجت لف زيدها سلفر وحطيها فى طاجين وصبى ميه فى الطاجين

وحطيها فى الفرن وكل مانشفت المية فى الطاجين زيديها لين تحسى طابت وانى نخلى فيها من ساعتين الى 3 ساعات تاخد وقت هلبه

سماح منكم اخر صورة للتقديم مالقتها يمكن نحدفت
وهى سخونة قصيتها وهذه الصور

وصحتين وهنأ

**ابريكه** · 01-22-2011, 04:20 AM

ماشاء الله بنتها فايحة
نحبها طريقة تبل وخليها ترتاح مش عادية فعلاً تعطي طعم خاص للدجاج
يسلم يدياتك خدوجة وما ننحرم منك ولا من أطباقك
يعطيك ربي الصحة

**مغتربة 7** · 01-22-2011, 06:25 AM

مشاء الله شكلها يجنن سلم ايدياتك وربى يعطيك الصحة

**بنية بوها** · 01-22-2011, 07:01 AM

يسلموا ايدياتك وصحتين علي قلوبكم

**خدوج** · 01-22-2011, 10:21 AM

اقتباسالمشاركة الأصلية كتبت بواسطة ابريكهماشاء الله بنتها فايحة
نحبها طريقة تبل وخليها ترتاح مش عادية فعلاً تعطي طعم خاص للدجاج
يسلم يدياتك خدوجة وما ننحرم منك ولا من أطباقك
يعطيك ربي الصحة
يسلموا ابريكة
وشكرا لك
والله يفتحلك كل ابواب الخير
وشكرا لمرورك