مراحب بكل الحلوات
كل شعب عنده خبزة أو مجموعة أنواع من الخبز
و أحيانا لكل منطقة من دولة معينة خبز معين
تقريباً تقدروا تقولوا إن الأكل المشترك
الوحيد لكل شعوب العالم
هو الخبز
والكل عنده طريقته الخاصة في تتطييبه
فيا اخواتي
نعلن عن مسابقة الخبزة الليبية
الأشهى والأطيب واللي أكيـــــــــد اتعز عليك وعليا
ومن ما يعرف الخبزة الليبية المقلية والمعجونة
واللي في الفرن مدفونة
واللي محطوطة في التنور ياكلها الشايب والدكتور
إمالا لو نحكو عللي في الرملة مغمورة غمر
ومايديرها كان الفالح والفالحة
واللي هيا "خبزة الجمر"
اسخونة محلاها بالتن وبالفلفل الأحمر
وأنواع وأشكال وحكاااااوي طويلة
بنحكوها وبنديروها وبنقدموها للعويلة
ومن هاليوم
حبيبات بنعدوا لمسابقة الخبزة الليبية
ملف يحكي ويشرح بالصور كل انوع الخبزة الليبية
بالقلي.. والتخمير.. والعجن ..والفرن.. والتنور.. ووووو
مسابقة قوية ياليبيات
يلا عاد ورونا فلاحتكم
نبواانشوفوا كل وحدة وشطارتها
هيا المسابقة ماتتعداش كونها مقدمة لانواع الخبزة فقط !!
لأن عالم الخبزة كبير ومتفرع و نزيد الموضوع
تعقيد لو دخلنا مع الخبزة أنواع المعجنات الثانية
بس الهدف من الموضوع ان نمشي معاكم خطوة خطوة
في كيفية تحضير الخبز الليبي في البيت !!
والهدف الأساسي إن يكون عندنا ملف كبير
شامل للخبز الليبي
وحنلاقوا فايدة في هذا الملف
ونضمنوا بأن يكون مرجع ليك بعد انتهاء هالمسابقة
وحيصلح مفاهيم هلبة خطأ ونعرفوا كل وحدة وطريقتها
ونبوا كل وحدة فينا تطلع فنها وخبرتها
فتعالوا نتشارك ونتنافس ونجمع كل الخبرات
وصاحبة أجمل مشاركة من جميع النواحي
ستأخذ لقب
فنانة الخبزة الليبية
ونتائج المسابقة حتعتمد على
1\ نختاروا الخبزة المتعوب عليها..
وشن حيكون مرشوش عليها دهن عربي
.. او منثور عليها سمسم.. او جبنة..... الخ
أو أي اضافة تقدري تضيفيها
2\ حيكون الاختيار بدون مجاملة لاي خبازة مشاركة
3\ شكل الخبزة مهم ..والشرح الكامل والتقريص والعجن
و
4\ كتابة المقادير بالترتيب المنظم والواضح
5\ كتابة اسم العضوة واسم المنتدى
المطبخ الليبي لزينب محمد
على الصور >>> شرط أساسي
6\ الصور النهائية للخبزة تلعب دور رئيسي
في اختيار الفائزة
7\ لابد تحطي شعار المسابقة في توقيعك
8\ كتابة العنوان بهدا الشكل
[مشاركة في مسابقة فنانة الخبزة الليبية] اسم الوصفةمن مطبخ ......
وطبعا تقدرن تشتركن حتى بتطبيقات
لوصفات بعض عضواتنا الفالحات بعنوان
[مشاركة في مسابقة فنانة الخبزة الليبية] تطبيق اسم الوصفة للأخت .....من مطبخ ......
أخواتي آمل التقيد بوصفات الخبز الليبي فقط
وأي مشاركة لنوع آخر من الخبز لن تحسب
ننتظر مشاركاتكم بشووووووووووق
المفضلات