[مطلوب ] انقلاب محبة فى مطبخنا ..من معى؟

[om_adnan]

والله الصابرة وسويت تعطوا أمل فى الجيل الجديد,ظاهرة المشى للصحة منتشرة فى ليبيا ,هذه علامة طيبة,ولكن الظاهر أيضا الاكل الزائد بطريقة خاطئة ,ممكن فى عزومة ايكون مع القهوة ٥ أنواع والاكل صحن فيه عشرة والنساء ماتأكلش فى حوشها يوم اللى عندها عزومة ,بس مازال شئ خطأ,الظاهرة الثانية أرتباط الكمية بالمظاهر ,يعنى كل ما يكون أكثر يكون أفضل,للاسف فاهمين الكرم والجود خطأ,للحديث بقية.

[ام تغريد]

موضوع مشوق وفكرته روعة والاهم النتيجة اللي نبو نوصلولها

وبارك الله في ام عدنان اللي طرحت الموضوع

ونحب انقول اني مع الرياضة ولكن نقص الصالات الرياضية هو المشكلة

تصدقوا يابنات اني اشتركت مرة في صالة وكانت علاج رائع نفسيا قبل جسديا

نفسيتي ارتاحت هلبة معاه ولكن كانت فترة شهور فقط بالرغم انه وزني معقول

ولكن مشكلتي اني مدمنة شوكولاتة مستعدة انها تكون هي وجبتي اليومية وما لقيتش حل

مع العلم ان اسرتي يعني بيت اهلي كلهم نفس الشئ مدمنين شوكولاتة

ولست من محبي السلطة فما الحل ؟؟؟؟

[لوتي]

موضوع رائع يا أم عدنان أني من مشجعي الأكل الصحي وانحاول أغلب أكلي ايكون مطبوخ علي الطريقة الصحية فعلا أجدادنا زمان كانو يتحركو يعني يعبو في الميه من مكان بعيد ويمشو مشي ويطيبو بروحهم يعني يرحو في دقيق الشعير بروحهم ويغسلو في الدبش علي اليد وناهيك عن موسم الحصاد وموسم الزيتون وغيرها من المواسم اللي يأخذ منهم في الجهد وهذا كله رياضة بالإضافة للأكل الصحي دقيق الشعير والدشيشة واللبن والتمر يعني كله فرش معلب لا هادا بيش عزايز تلقيهم توا ماشاء الله عليهم لا ضغط لا سكر لازم انغيرو النظام وندخلو الرياضةلحياتنا أني مشكلتي زي أم تغريد الشوكولاته عيوني منتهناش كان فيه طرف قاعد لين ناكله وتوا انشد في روحي شدان عليها ونمارس في رياضة المشي 3مرات في الأسبوع ياريت انحاولو انديرو جدول مع بعض انظمو فيه الأكل أه على فكرة عجبتني فكرة الصابرة اللي تاكل تمضغ هلبة ومتعبيش في الكاشيك