[مشاركة فى مسابقة صاحبة أجمل فكرة مطبخية ]حاملة مناديل المطبخ من لوبا

[luba]

السلام عليكم ورحمة الله وبركاته






هده الفكرة ولاول مرة هنا في هدا المنتدي ان شاء الله

كيف جت هالفكرة وهيا من مدة بسيطه لما كان ولدي يلعب في سيف بااللفه تبع غلاف البلاستيك واكتشف انه
تبي نصل وقعد يعيط وصنعت له النصل بس من ورق كرتوني الملون وبعد كمل لعب رماها بحداي وقعدت انلف فيها وجت هالفكره
حامل المناديل اللي عندي معلق في الحائط وماشريت منه المتنقل وجت الفكرة واستفدت منها اصبح يمشي معاي في كل مكان في المطبخ

الادوات :

غطاء بلاستيك اللي علي العلب - اسطوانه كرتونيه ( متاع الفويل او النايلون مغلف الطعام ) - لصقه شريط - مقص


العمل :

ناخد الغطاء البلاستيك ونرسم عليه في المنتصف فتحه بالسكين علي شكل اشارة زايد +



نغلف الاسطوانه الكرتونيه بالفويل او اي لون تحبيه بس فضلت الفويل ( الالومنيوم) ليش ؟( يبان كانه مصنوع من الاستيل والاهم لما يشوه بزيت اوماء تقدري تمسحيه )





ونغلف الغطاء ونفتح الفتحه ونمرر منها الاسطوانه الكرتونيه الي اخر القاعدة





ونغلف مابين القاعده والغطاء و نتبته باللصقه الشفافه




وهكي حصلنا عليها بادوات متوفرة في كل بيت


وان شاء الله تعجبكم تعرفوا اكتر شي تعبت فيه اني دورت كلمه الاسطوانه الكرتونيه اكتر من الفكرة الحمد لله المنتدي يخلونا نكتبوا بالعاميه