انتى وين اهلك فى بنغازى
تواا انجيك
انتى وين اهلك فى بنغازى
تواا انجيك
تضحكي عليا اليوم بكيت لغاية ما قلت بس
أنا عندي أخ واحد وهو الصغير فينا نحن البنات
قاعد من أمس فس المستشفى عشان عنده التهابات مسالك قوية
وزوجي عارف وماباش يقولي
وأهلي نحكي معاهم وما حد قالي
المسافة بيني وبينهم مش طويلة 200 كيلو بس
لكن كأنهم 1000 كيلو عندي لما حد يمرض
ولما عرفت بالصدفة بكيت وعصبت على راجلي
قالي من أهلك حلفوني ما نحكيلكش
ولما لكمت ماما قالتلي والله مانك جاية
هو كويس ماسكينه بس عشان بيعطوه كرس ابر مضاد
قلت لو كنت حداهم راهو عرفت وجيت
بس لأني بعيدة خافوا عليا ننفعل
وخافت عليا ماما من الطريق عشان حامل
سموحة انشالله تديري عويلة تلهي فيهم
وليش ما تديري صداقات وين ما انتي قاعدة
لولا الصاحبات هنا فالبيضاء كنت انجنيت من أول سنة
عربي عائلة صغيرة وديما اللمة عندهم
يعني لا وين تمشي لا وين تجي
غير ربي بعثلي كم وحدة كويسات درت معاهم صحبة
وقعدت نمشي ونجي عليهم نغبر الجو
العين عزمها بالهون....تصبر شوى اتقول وينهم
ايه بالله يا بنات نوضتوا عليا المواجع
الوحدة وبعد أهلي
يالله الحمد لله على كل حال
زهورة يا حلوة اليوم متعصبة من كثرة الحوسة الي عندي وقاعدة بروحي
وبنتي عندها مواعيد دواء لازم تاخذهم في وقتهم وهي حاشاك لما تشوف الشرنقة
قريب تهبل ونعطوها في الدواء بالسيف لين نقعد نبكي معاها مسكينة
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
الذين يشاهدون الموضوع الآن: 1 (0 من الأعضاء و 1 زائر)
المفضلات