السلام عليكم ورحمة الله وبركاته
وخياتي ربي يبارك فيكن يارب
عندي حوالي كيلو قمح مش مرحي ما عرفت في ايش نستعمله
تكسب فيا اجر الي تقولي كيف ندير له
وهل لو عجبنت بيه خبزة أو نوع معجنات يحيني كويس ؟
نستنى في مساعدتكم يا حلوات
السلام عليكم ورحمة الله وبركاته
وخياتي ربي يبارك فيكن يارب
عندي حوالي كيلو قمح مش مرحي ما عرفت في ايش نستعمله
تكسب فيا اجر الي تقولي كيف ندير له
وهل لو عجبنت بيه خبزة أو نوع معجنات يحيني كويس ؟
نستنى في مساعدتكم يا حلوات
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
اهلين ام ساره
القمح يديروا بيه في طبيخة المنجم او البقوليات
المهم هيا يكون فيها كل شي من البقوليات ومعاهم القمح
اهني نلقوا فيهم مخلطين البقوليات والحبوب كلهم في كيس واحد
و زينب منزلتها في الليبي لكن انسيت شنو اسمها
وجربي ديري بيه بازين حيجيك يهببببببببببببل
احلي بازين بازين القمح بصراحة ولايعلي عليه
نعرف صديقة تزرع فيه في اصيص
في المطبخ ووين يطلع العشب الاخضر تقرض منه وتحطه في السلاطه
تقول انه ليه فوائد هلبه ومهم
وان شاء الله نكون افدتك ولو بالقليل
بس خبرينا بعدين شنو درتي بيه منك نستفيدو
أهلين لوبا
ربي يسلمك ويبارك فيك حبيبة
بالنسبة للبازين للأسف ما ناكلوا فيه في الحوش
أما الهريسة (هكي معروفة عندنا ) أو الجغوم حتى هي ما ناكلوا فيها
ههههههههههههههههههههه قوليلي شنو تاكلوا امالا
اني ما نحب الحلبة بصراحة وما ناكلها ولا زوجي أبداً أبداً حتى ريحتها لا
شفتي ليش حايرة اني ؟؟
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
ام ساره الي عندك قمح او حلبا
دوختيني شنو علاقة القمح بالحلبه
بالنسبه للقمح امي ربي يحفظها كانت الديرلنا فيه زي المحلبيه
ان شاء الله انجيبلك الطريقه منها بالضبط لو اتحبو تاكلها هههههه
الحق اني عمري ما درتها لما اتجي في خاطري انقوللها عليها وادرهلي
{إن مرت الايام ولم تروني فهذة مشاركاتي فتذكروني وان غبت ولم تجدوني أكون وقتها بحاجة للدعاء **فادعولي** }
هههههههههه ماتاكلي في البازين وجعتيني الحق فات عليك هههههه
اما الجغوم فندير فيه بدون حلبه لانها عدوتي واكرههاااااااااااااااااااااا
وبسيسه ماتاكلي فيها حتي هيا يديروا فيه بالبسيسه
تو نفكروا معاك
أم خديجه
اني سألت على القمح والحلبة خشت في الموضوع ههههههههه
ياريت تجيبي لي الطريقة على الاقل نديرها لبناتي
ولو تسألي أمك بالك تعرف حتي هي فيش نستخدمه
نكون شاكرة لك وليها جزاك الله خير وخيتي
لوبا
زمان واني صغيرة كليته شوي لكن يغصبوا عليا
لهذا ما عاد كليته وكنت نكرهه حاشا النعمة
بارك الله فيك لوبا
وياريت نشوف ردود البنات ويفيدوني
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
وعليكم السلام ورحمة الله
أم سارة ديري بيه كسكسي طعام بصراحة أني كليته وعجبني
وخبزة طعام طيبها في الكوشة بيش في التنور
ولا دشيشة طعام
والبسيسة
وميساء بارك الله فيك حبيبة على الاجابة
بس ما قلتيلي نرحيه في البيت عادي ونحمسه قبل او لا
بالنسبة للبسيسة ما ندير فيها نشريها واتية
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
اختي ام سارة انقعي القمح ليلة كاملة وبعدين اسلقيه وبعدين كل ماتبي تاكلي منها تاخد المقدارالي بتاكلي وتضعي عليه حليب وسكر وتاكليه
القمح أنا ندير بيه في حاجتين ونشري فيه مخصوص للحاجتين أهما
الأولى البليلة وزهرة الحبق قالتلك عليها بارك الله فيها
الثانية تنقعي القمح في المية ساعة ولا 2 المهم نين تنتفخ الحبة
وبعدين تصفيه وتنشريه على قماش لمدة ساعتين
وبعدين حمصيه في الملح على النار زي ماتحمصي الكاكاوية مثلا
طبعا يقعد يتفرقع ههههه زي السبول (البشار)
ولما يتغير لونه ويتحمر تنزليه وتغربليه في صفاية
وتحطيه في منشف وتحكيه زين نين يمتسح من الملح
وتحطيه في فازوات واستمتعي بأحلى قراميش وتسالي هههههه
كمية الكيلو هلبة تقدري تجربي كبايتين بس
ولما بتحطي في الطاجين وتحمصي حطي كباية وحدة
وان شاء الله تعجبك الطريقة
الذين يشاهدون الموضوع الآن: 1 (0 من الأعضاء و 1 زائر)
المفضلات