مشترياتى لمطبخ لشهر رمضان الكريم

[ليبيا قلبى]

السلام عليكم ورحمته الله وبركاته

بعد غيبه طويله
جيت وجبت معايا
شويه حاجات شريتهم
على خاطر رمضان
باركولى

ماشاء الله

[عهود]

كلهم قنينات وحاجة مش عادية
ان شاءالله تبيديهم بالهني وتتهني بيهم
خليتيني بنطلع من غدوة نمشي نلم لمة باهية
وكل عام وانتي بكل خير (مسبقا)
ربي يعطيك كل الخير

[ترهونيه حره]

بالصحة والعافية عليك وعلي عويلتك من الاخير ......هبلتينا
والاسبوع الجاى عالسوق على ...........طووووووووووول انشاء الله

[ليبيا قلبى]

عهود

ترهونيه حره

ههههههههه

ايه اطلعووو من بكره وجيبو حوايج رمضان
وانشاء الله كل عام وانتم بخير

مروركم اسعدنى

[كيمو 2010]

كل عام وانت بخير حلولت الصحون لونها ابيض بكم واخذتهم

[مغتربة 7]

ماشاء الله تبارك الرحمن

ياربي نجي ليبيا الغالية جيتي وايديك معبيات
ان شاء الله ربي يبارلك ويزيدك من نعيمه
مبروك عليك حبيبة كلهم قنينات
ان شاء الله تبيديهم بالهني
وكل عام وانتي بالف خير
اللهم بلغنا رمضان

[الساجدة لله]

السلام عليكم

حبوبة تبيديهم بالهني سيت الطناجر الستانلس ستيل بكم واخدتهم ومن وين هما والطواجين ؟ باانتظار اجابتك

[ليبيا قلبى]

كيموو

وانتى بالف خير

الصحون خديتهم من محل زكريا
يلى فى شارع دبى

واسعارهن

بوحده انا ركبتهم

فيه 4 وفيه 7 وفيه 10

دينار

[luba]

بالصحه عليك يارب تبيديهم بالهني
وكل عام وانت بخير وعاد ورينا الطبخات الحلوات اللي بديريهم بيهم
و حطيهلنا في التاكم الابيض الحلو بسم الله ماشاء الله دوق راقي

[om_adnan]

ألف مبروك وتبيدهم بالهناء ان شاء الله,اتقولى بتات عروس,يستاهل رمضان..,فى انتظار وصفاتك ونصائحك,هل تشجعى شراء هذه الماركة ام لا.