[ عصبان ] من مطبخ بنت حواء

[بنت حواء]

وأخيرا سنحت لي الفرصة لأقدم لكم العصبان من مطبخي........ ونبدأ بالمقادير:


(1)
حزمة بصل أخضر مفروم

(2)
حزمتين كسبر أخضر مفروم

(3)
حزمتين ريحان (حبق) مفروم

(4)
حزمة معدنوس مفروم

(5)
3 قرون فلفل أخضر مفروم

(6)
علبة طماطم معجون (حوالي 8 ملاعق كبيرة)

(7)
ملعقة كبيرة ونصف ملح _ ملعقة حرارات _ ملعقة كركم
نصف ملعقة قرفة _ نصف ملعقة فلفل أحمر _ ملعقتين نعناع مجفف

(8)
4 أكواب أرز _ كوب زيت زيتون

(9)
لحم خروف مقدار ربع كيلو مقطع مكعبات صغيرة

(10)
رئة خروف مقطعة مكعبات _ كبدة مقطعة مكعبات


وإليكم الصور:











طبعا الطريقة واضحة تخلط المكونات حتى تصير هكذا:





وهذه أمعاء الخروف وبعض من الكرشة بعد تنظيفها:





تحشى الأمعاء الرقيقة وأمعاء الشحم بالقمع
ويتم الضغط على الأمعاء حتى تصبح مسطحة أي شبه فارغة حتى لا تتشقق ويخرج حشوها أثناء النضج
أما الكرشة بعد حشوها تغلق بأعواد النخل أو يتم خياطتها بالإبرة





والأمعاء الغليظة تحشي أيضا ويتم الضغط عليها حتى يخرج الهواء ثم تقفل بنفس الطريقة
وبالنسبة لي أقسمها بربطها بالخيط لتصبح أسهل عند القص والأكل والصور توضح:





توضع حلة على النار مملوء ثلثها بالماء وبعد الغليان توضع الكرشة بعد ثقبها بالإبرة من عدة جهات حتى تتنفس ولا تنفجر
وبعد ربع ساعة توضع الأمعاء الغليظة............ وبعد ربع ساعة توضع الأمعاء الرقيقة في الكسكاس فوق البخار
بعد ساعة كاملة يصفى العصبان ويوضع في طاجين ويحمر في الفرن








هذه الأمعاء الغليظة بعد التحمير.... والتقطيع:





وهذا العصبان كاملا:





وهذا صحن (ذوقة) للجيران :





وهذا غدانا تفضلو:





أتمنى أن ينال إعجابكم....... ويفتح شهيتكم ................... سلااااااااااااام

[عهود]

الحمدلله لحقت قبل مغتربة
وحي كان نعتمد المشاركة نلقاها طالعة قبلي == غولة


وووااو يابنت حواء من شكله تبارك الرحمن حاجة مش عادية
جوعتيني وانتي عارفة لي فيها

مشكورة يسلمووو ايديك الحلوات

[بنت حواء]

صحة على قلبك ياعهود
تسلمي على هالمرور اللطيف والكلمات الحلوة

[luba]

الحمد لله خللتلي صحن عهودة قبل مامغتربه تهجم ماشاء الله عليها مكمله
صحون البيت قصدي المنتدي
ماشاء الله وكل مرة نتعلم منك في حاجه جديده في كل شي اديريه
زي توة مانعرف انه القصبه يحشوها وماقلتي وين نحطوها القصبه
في الكسكاس او الطنجرة
تسلم ايديك وياريتني جيرانك وصحه عليكم وعلي جيرانكم
ربي يعين عهود اللي تتفرج يارب تحصلي حد يبعت خير ما تطلع ....... ههههههه

[luba]

علي فكرة قيمت قبل ماننزل ناكل صنه وبنه اكيد

[مغتربة 7]

خديت القصعة كلها ياعهود بش ترتاحي لا وواخدة المصارين الى نموت فيهم تي باهي به

بسم الله ماشاء الله لاقوة الابالله
عصباااااااااااان يهبل يانت حواء عصبان شن درنالهم ياحبيبتي
ومنظره مش عادي عيوني بيطلعوا
نختلف شوية عليك فى التتبيلة بس اكيد تتبيلتك تهبببببببببل
تسلم الايادي الى تلتف بالحرير
تستاهلي احلى تقييييييييييييييم

[om_adnan]

أحلى حاجة فى المنتدى صحبتكم الحلوة ,نقرأ فى التعليقات ونضحك,عهود ردى بالك حق,راهو حاجة اتجى فى خاطرك,سلم إيديك بنت حواء ,الوقت هذا جيران مثلك قليل,صحتين وعافية عليكم.

[بنت حواء]

تسلمو حبيباتي على المرور والكلمات الحلوة صحتين عليكم كلكم

يالوبا القصبة ديما نحشي فيها لازم وحتى البلعوم تجنن
ونحط فيها في الكسكاس مع المصارين الرقيقة وستارة الشحمة

[الساجدة لله]

تسلم الايادي عصيبينات يسهفووووو ماشاء الله

ويستاهل التقييم ياقمـــــــــــــــر

[زهرة البنفسج]

ماشاء الله ربي يبارك حتى انا امس غداي عصبان وفاضل منه لليوم وتستاهلي احلى تقيييم