[ سلة معجناتي ] من مطبخ لوبا

[luba]

السلام عليكم ورحمة الله




هذه السلة من المعجنات ان شاء الله طالعة بيها لزردة صيد السمك



عجينة السلة:

2 كوب دقيق ( علي حسب حجم السله )- ملعقة صغيرة بيكنج بودر - ملعقة صغيرة خميرة سريعه - 2 ملعقة كبيرة حليب مجفف-
م ص ملح - بيضة -م ص سكر - ربع كوب زيت - كوب ماء دافئ
نخلط المواد ونضربها باليد ختي تصير كيف المستكه ونقعد نعجن لحد تصير متماسكه
وهده عجينتي المفضله للبيتزا ونزلتها هنا في المنتدي





ملاحظة : يحب تكون العجينه متماسكه - اختاري عجينه ماتنتفخ واجد - استعملي الدقيق في الفرد وماتخلي العجينه تلصق
تفضل تكون العجينه متماسكه وجافه

الطريقة :

نغلف بالفويل ( القصدير ) صحن استيل او اي شكل يتحمل الحرارة انت تفضليه سلة

ونقسم العجينه تلاته اجزاء 2 متساويين وجزء صغير لعمل الضفيرة للسله واليد للسلة

نرش الدقيق ونفرد القسمين المتساويين من العجينه ونقطعها الي سيور متساوية كل قسم بروحه
وتو نجمعوا السيور مع بعض وان شاء الله الصور تكون واضحه وفي هده العمليه نحتاج بيض مخلط بشويه حليب للصق


















بعد كملنا التشبيك نقص حوافها الزايده ونرشها دقيق ونلف العجينه علي العصا ونحطها علي الصحن المغلف









نعمل ضفيرة لحافة السلة وتفضل الضفيرة التنائية وليست التلاتيه وضفيرة لليد تلاتيه



وندهنها بالبيض المخلط بالحليب

وندخلها للفرن مفتوح من فوق وبعدين نفكها من الصحن ونحمرها من الداخل






وهكي كملنا السله



وعجينه المعجنات كانت نوعين عجينه عشر دقايق وهي


2 م ك سكر - 2 م ك خميرة فورية -2 كوب ماء دافئ - شويه ملح - 2 كوب دقيق
2 ملعقة كبيرة حليب بودرة

تخلط هدي المقادير مع بعضها ونخلوها ترتاح 10 دقائق تم نضيف عليها التالي ك

3 اكواب دقيق - نصف كوب زيت - وتعجن كويس وتستخدم علي طول او تخليها ترتاح 10 دقائق او اكتر

واستعملت

عجينة الزبادي ( شداوي ) وهدا الرابط من الاخت الصابرة بارك الله فيها وفي شدي 2004


وهده الحشوات والمعجنات ونحب نشكر المصراتيه علي تشكيلة متلت المشبك بارك الله فيها















































وان شاء الله تعجبكم ودمتم بخير يارب

[وصال]

ماشاء الله ما شاء الله ولا حول ولا قوة إلا بالله عليك لوبا
ويعطيك الصحة على هالسلة الراااائعة
يسلمن إيديك وتستحقي أحلى تقيييم ولك النجيمات كلها

[ترهونيه حره]

يسلموووووو الايادى يالوبا
سله رررائعه جارررى التقييم
مشكوررررررررره على الشرح الوافى

[المروالوردي]

تبارك الله
تحفة يا لوبا
يا ريتني احداك بيش ذقتهم
يجنننو منظرهم مش عادي والله
والعجينة ولا أحلى
يسلمو ايديك حبيبة
وقيمت قبل الرد من كثر ما عجبتني

[أم خديجه]

ما شاء الله لوبا
ان شاء الله موفقين في الصيد
بس غير قوليلنا قداش شديتي سمكه
تسلم ايدك سله رائعه
وتستحقي التقييم

[أم عبدالرحمن]

يسلموا يديك....
منظرها تحفة وصحتين على قلبك

[لوتي]

واووو يالوبا إبداع ماشاء الله عليك وفكرة تحفة ياريت فيه 100 نجمة كان هادا قيمتك بيهن تستاهلي التقيييم وبقوة زيدينا من الحاجات الحلوة

[لبنى]

لالالالا ما عجبتناااش !!!!!

الله واحد عليك

اتجنن ....

وموسع بالك

ربي يعطيك اصحيحتك

[مغتربة 7]

محلاها ها السلة ليا كلها

يميييييييييييييييييييييييييييييييييي
بسم الله ماشاء الله
سلة مقووووووووومة واتجي فى الخاطر
تسلم الايادي الى تلتف بالحرير
طبعا طبعا الى التقيييييييييييم طول

[عهود]

مشاءالله تبارك الرحمن عليك فالحة
بالله يوم تمشي للصيد ارفعيني معاك
يعطيك الصحة وكل الخير