[ تطبيق] البريوش السويدي لام ميوسة من مطبخ لوبا

**luba** · 06-01-2012, 04:52 AM

السلام عليكم ورحمة الله

البريوش السويدي بأناملي

من مدة شفت طريقة لتشكيل المعجنات في منتدي اجنبي ممكن لغته سويدي او تركي حسب ماقالولي اللي بعتولي رابطه مش عارفه المهم مش انجليزي و العجين ماعرفت شن نستعمل بس نشكر كل من طبق البريوش السويدي لأم ميوسه والشكر الكبير لأم ميووووسه لانها عجينه تحفه وتهبل اخدت العجينه من ام ميوسه وشكلتها من منتدي اجنبي من عضوة اسمها
فالنتينا زوركان بعض العجائن ليس لديها شرح وحبيت يكون التفصيل من تحت ايديا في منتدانا الغالي

عجينه البريوش لام ميوسة اضغط هنا

صورة للعجينة قبل التخمير بعد تخمير العجينه كم من مرة يعني كسرت تخميرها 3 مرات

نقسم العجينه 4 كور او اكتر كانت عجينتي من كوبين دقيق نصف كميه ام ميوسه

نرش الطاوله بالدقيق ونفرد الكورة الاولي ونضعها في طاجين كبير او صفرة الفرن ندهنها بالزبدة المدابة في دجه حرارة الغرفة

نفرد الكورة التانيه ونحطها علي الاولي المدهونه وهكدا حتي نكمل الاربع اجزاء واخر طبقه اللي علي الوجه ماندهنها

و ناخد عود خشبي او اي اداة نعلم بيها الشكل بالضغط عليها بسيط

وناخد سكين حااااااد ونقطعها علي شكل متلتات اللي علمناهم وعلمت الطريقه بالرسم

وكل متلت نقصه بالسكين في الوسط بدون قص القاعده وقمة المتلت وناخد انلف المتلت في داخل الشق كيف ماتحبي سواء لفة او لفتين

وهني درت بلفة وحدة للتوضيح كيف شكلها بوحده

والتانيه لفتين

ولما احني لفينا راس المتلت الي الداخل من خلال الشق تلتف معاك القاعده

وتجمعيهم جنب بعض في صفرة للخبز وتكون واسعه

نخلوها تتخمر وندهنوها بالحليب المركز و صفار البيض

بعد ماتخمرت بعصا الاسياخ نزلت بعض منهم بدون مانقطع مجرد حزيتهم حز انتبهوا لشكلهم بعد ايطيبوا كيف محتلفات وحلوات

وندخلوها لفرن حامي في الوسط علي حرارة 180 درجه مئوية وهدا شكلها بعد طلعتها

شوفوا اللي نزلت عليهم بالعصا كيف مختلفات وتحصلي تشكيله جديده

وهدا صحن لام ميوسة

وهدا لكل من طبق عجينة ام ميوسه وشجعنا عليها وكل من يطبق وطريقة التشكيل

ملاحظاتي :

يفضل تخدمي بيها والزبدة بدرجه حرارة الغرفه يعني مش مدوبه عدلي في ملامحها بعد التشكيل يعني لمساتك اضيفي السكر المحبب بين الطبقات او اي نكهه واني مااضفت شي لانه مانبوها فيها حلاوة اعتقد والله اعلم تشتغل فيهم وهما متخمرين وبعدين تخمرهم تاني هده اول مرة نديرها ان شاء الله نجربها بالتخمير وبشكل تاتي انتظروني

يارب تعجبكم

**المروالوردي** · 06-01-2012, 06:59 AM

سبقتك يا مغتربة ههههههههههه

تسلم ايديك لوبا

وصحتين

**أم خديجه** · 06-01-2012, 08:04 AM

ما شاء الله لاقوة الا بالله

تسلم ايدياتك
الشكل روعه
ربي يعطيك الصحه

لك احلي تقييم
وينك يا مغتربه فاتي البريوش

ما شاء الله علي لوبا مكثره منه

**حاملة الورد** · 06-01-2012, 11:10 AM

تسلم إيديكي برويوش ايهبل وخطواته بسيطة وسهلة وواضحة
تستهالي التقيييم بجدارة

**لوتي** · 06-01-2012, 12:53 PM

بريوش تحفة وتشكيلته روووعة تسلم الأيادي وليك أحلى نجوم

**om_adnan** · 06-01-2012, 04:31 PM

بصراحة موضوع صاحبة الانامل بذله فيه مجهود,والله لولو ما قصرتى فى الشرح, ماشاءالله عجبتنى الفكرة,هل فى الامكان وضع الرابط اللى حكيتى عليه,جزاك الله خيرا لوبا.

**luba** · 06-01-2012, 04:49 PM

شكرا للجميع علي المرور وبارك الله فيكم
وان شاء الله تجربوها
ام عدنان تو نبعته علي الخاص مش عارفة ان كان مسموح اولا

**مغتربة 7** · 06-01-2012, 05:23 PM

غير شن ها الرعايش يالوبا لحقت على الطرف السمين ماهو المروالوردي خدت الصونية كلها يالطيف خايفين من مغتربة كلهم

بسم الله ماشاء الله
بريوش يهبببببببببببببببل الصراحة ابدعتي يالوبا
والمنظر ياولدييييييييي يجنن
تسلم الايادي الى تلتف بالحير
طبعا طبعا تستاهلي احلى تقييييييييييييييييييم