[طاجين جبن بالخضرة ] من مطبخ أم أسيل

[أم أسيل]

الســـــــلام عليكم ورحمة الله وبركاته

اليـــــــــوم وخياتى حبيت انـــدير طاجين جبن وطلعت الخضراء وبديت انقرض
وطربت على الدجاج لقيته كامل معاد طرف ايحشم قلت واللهى لما انديره حتى بنه وخلاص
وطلع الطاجين روعة واحيانا مش لازم اتوقفى على دران الحاجة
كانا نقصاتك حاجة وحدة وتكملى طبختك وتقــــــــدرى تتصرفى وصبح الطاجين طاجين خضراء وشــــــوفو

المقادير
( بطاطا +بصل روس+بصل اخضرا+معدنوس+قـــــرعة بيضاء +بهاراتك المعتادة فلفل اكحل +بزار+فلفل احمر+شـــــوية قرفة+م ك سمن+زنجبيل مرحى+كسبر وكروية+ملح ) اى بهارات تحبى حطى +5بيضات+اى نوع جبنه عندك المهم مبشورة+ خبزة يابسة

وفى حفظ الله وصحتين عليكم

[عهود]

مشاءالله طاجين جبن يشهي قمة الروعة
سلمك طيابة
صحيتي ام اسيل ربي يعطيك كل الخير ويسلمو ايديك



مغتربة ماتقربيش صونيتي
انتي خوذي هذه

[مغتربة 7]

اها اهاعهود قهرتيني

قوليلها ياام اسيل خدت الطاجين كله

بسم الله ماشاء الله
طاجين يهبل وفكرته روعة
والمنظر ياعيني على المنظر ياخد العقل
تسلم الايادي الى تلتف بالحرير
تستاهلي احلى تقييييييييييييييييييم

[بنت حواء]

ماشاء الله ياأم أسيل طاجين يجنن
وحق مش شرط يكون في دجاج هوا البيض والجبن يكفو ويوفو
وإلا كيف جا اسمه طاجين جبني بالخضرة :d
حتى أنا ندير فيه هكي مرات................ وسللللللللم يدياتك

[neveen khalifa]

السلام عليكم
تسلم إيديكي على الطاجين، حلو و سهل و بسيط ومش مكلف
و شكرا إنك حاطة الخطوات بالصور

[أم أيوب]

الله الله عليك طويجينيسلم ايديك أم أسولة من منظره غير عاديان شاء الله نجربها طريقتك تستحقي التقييم أكيد

[الساجدة لله]

تسلم الايادي طويجين سمح زيك ياغالية بس ياريت توضحي البطاطا والكوسا مقلية والبقية متع الحشو طيبتيه على الغاز بعدين في الطاجين

حطيتيه وعلى الفرن طووول ؟ هل هكي الطريقة او لا وادا كانت مش هكي ياريت تزيدي توضحي

[الصابرة]

تسلم الايادي ..... ويعطيك العافية

[لبنى]

يسلمو ايدياتك يا غالية

والطاجين رفعاته عهوود

ههههههههههههههههه

[أم أسيل]

شكراً لمروركم الكريم احبائى

وطبعا يا ساجدة لله كل الخضراء مقلية +الاعشاب تطيبيها على النار مع الدباير وبعدين اتخلطيهم مع الخضراء المقلية يقعدلك تراجى البيض لن ايطيب وخلاص وتاكلى بالهناء