[خبزة ] من مطبخ لوبـــــا

**luba** · 06-02-2012, 01:44 AM

السلام عليكم ورحمة الله وبركاته

هدي التشكيله التانيه ومحرفة عن الاصلية

العجينة :

2ونصف كوب دقيق - 3\4 كوب ماء دافي مداب فيه ملعقه كبيرة خميرة وسكر

شويه ملح - شويه حليب باكو

الدهن : حليب مركز مخلط بصفار البيض

الخطوات :

نقسم العجينه 4 كور متساوية

نرش الطاولة بالدقيق ونفرد وكل دائرة نحطها في صفرة الفرن وندهنها بزبدة
مدابة في درجه حرارة الغرفة

نكمل 4 طبقات جربت نخليها ترتاح الشغل كان مع عجينة الخبز صعب
ويبي وسعة بال

والافضل الشغل عليها وهيا غير مرتاحه

ونعلم بعود خشبي او سكين علامات للقص بسكين حاد

نقصوا متلتات بدون الوصول الي المركز

وكل متلت نقصوه من الداخل بدون الوصول الي الاطراف

نلف القاعدة الي الداخل ونبرمها للقدام كيف ماتحبي سواء لفة وحده او اتنين
انا هني درت اتنين لانه العجينه رطبة هلبه وبلفة وحدة جربت شكلها مش باين

وبعد نكمل ندخل زوايا قواعد المتلتات الي الداخل وتتكون وردة

نخلوها تتخمر حتي تلصق في بعضها

ندهنها بالحليب والبيض

وندخلها لفرن حامي في الوسط علي درجه 180

وبعدين نحمروها ونطلعوها ونغطوها بمنديل عشان تصيح رطبة

وان شاء الله تعجبكم

ملاحظاتي :
مع عجينة الخبز صعب التعامل لازم تكون العجينه متماسكه
في العجينه للشكل الاول اسهل بس يفضل تغلظي الطبقات ليظهر شكلها افضل

**بنت الاشراف** · 06-02-2012, 01:59 AM

ماشاء الله سلمت يداك لك تقييمى

**ترهونيه حره** · 06-02-2012, 02:04 AM

ماشاء الله يسلمووووووووو
الايادى خبزه حلوه ومنظرها
احلى وجااااااااارى التقييم

**om_adnan** · 06-02-2012, 02:32 AM

وعليك السلام لولو..شنو الحركات الحلوة,ماشاء الله,حنحاول نأخد صحن,سلم إيديك وصحتين عليكم.

**om_adnan** · 06-02-2012, 02:37 AM

ماعرفتش كيف نأخد,انشوف مغتربة انقولها احسبنى معاك.

**luba** · 06-02-2012, 04:58 AM

بنات شكرالمروركم السمح والتقييم.
ام عدنان يارب يخليلك سلفتك ويخليك ليها احباب اقراب

**مغتربة 7** · 06-02-2012, 05:21 AM

معليشي تو انطيبها فى كوشتي المهم انلحقققققققققققققققق عيوني طلعووووو

بسم الله ماشاء الله عليك يالوبا وعلى ايدياتك
طلعة معاك اللفة هذه مش عااااااااادية
ا ب د ا ع ت ي الصراااحة
تسلم الايادي الى تلتف بالحرير
تستاهلي عشرة نجمات مش خمسة