السلام عليكم ورحمة الله وبركاته
قلت هيا المهرجان بدي وخليني انشط البنات
مع انه درت اندار مبكر من قبل هههههه
كيكـــــــــــــــة الباونتـــــــــــــــي
الطبقة الاولي باسطي كاكاو عادي
4 بيضات - فانيليا- كوب سكر -( تخلط مع بعض حتي تصير بيضاء )
نضيف ( كوب حليب - نصف كوب زيت ) ونخلطهم كويس
ننخل الدقيق حوالي 10 ملاعق كبار ونضيف عليهم 3 ملاعق كبار كاكاو
وملعقه كبيرة بيكنج بودر ( ونخلط بهدوء )
نرفعه الي الفرن مسخن من قبل في الوسط علي حرارة 180 لمدة 45 دقيقة او اقل
ملاحـــــــظة :
ارتفاع كميه الطبقات انت تتحكمي فيهم علي حجم الطاجين وعلي دوقك
تحبيه مرتفع عن التانيات او لا
بالنسبة ليا ماحطيت الكميه بعيني صبيت كميه وقدرت قداش بيرتفع
وكل الطبقات انت تزيدي فيهم وتنقصي كيف ماتبي الحجم والبنة
بعد الانتهاء من تحضير الكيك ماتغطيشي لانه بخار الماء بينزل علي الشكولاته ويخربها
ممكن تتركيه بره لحد ما يبرد وبعدين ادخليه للتلاجة وتغطيه
هده الملاحظة مهمه جدا
في هده الفترة نحضروا الباقي
الطبقة التانية :
المكونات :
2 كوب جوز هند - 3 ملاعق سميد - كوب ونصف حليب سائل ( مع الزيادة ان احتجتي )
ربع كوب زيت - نصف كوب سكر
نخلط كل المقادير ونحطهم علي النار حتي تغلي وتتماسك وتصب فوق الطبقة الاولي
الطبقة التالته :
علبة قشطة - نصف كوب سكر - 3 ملاعق كبيرة كاكاو - ملعقة كبيرة زبدة
3 ملاعق كراميل ( من الحليب المحلي) وهدا اختياري وانا اضفته ورهيبه البنه
نحركم علي النار حتي تتماسك وتغلط وتصير تقيله ونصبها علي الطبقة التانيه
نخلية يبرد في التلاجة اقل شي ساعتين اوحتي لليوم التاني
ممكن تزينيها كيف ماتحبي او تبقي بدون في كلا الحالات منظرها تحفة
وهدا عن قرب بيش تشموا الصنه وادوقوا البنة
وان شاء الله تعجبكم والبنة رهيييييبة
المفضلات