عزيزتي نسمة نزلت في قسم المقبلات العالميه طريقتي في الطعمية بالتفصيل
وان شاء الله تعجبك واهلين وادللي من عيونا
وشكرا يالصابرة لي المسير ان شاء الله نجربة
وماتنسي الهريسه يا ام رميصاء في انتظارك
عزيزتي نسمة نزلت في قسم المقبلات العالميه طريقتي في الطعمية بالتفصيل
وان شاء الله تعجبك واهلين وادللي من عيونا
وشكرا يالصابرة لي المسير ان شاء الله نجربة
وماتنسي الهريسه يا ام رميصاء في انتظارك
بارك الله فيك أختي لوبا
وجزيت خيرا
يبدوا إنكم سوف تنتظرون كثير لاني الآن مشغولة جدا
لكن ان قدر الله سوف أعملها وانزلها سوف يتم ذلك
والمشكلة اني كيف عاملة مقدار
يعنى ..
المهم : اختي الساجدة انقدتني وجدتها عاملة هريسة مثل هريستي
سبحان الله
بارك الله فيك أخيه ونفع بك
فيه فرق واحد فقط
هو اني لا اضع كروية أما الكسبر زي ما قلت في سر الطبخة اضعه في الاخيرة واغم على الهريسة
وهذا رابط موضوع الساجدة
http://www.libyan-kitchen.com/kitche...F%C9-%E1%E1%E5
وهكذا أخواتي هربت منكن فعل
السلام عليكم ورحمة الله
سر طبختي في الطباهج
وهذه طريقتي الخاصة
طبعا حتى الطباهج الكل لما ياكلوها يقول أممم يشهي كيف تعملِ فيه
وهذا حقيقة سر ما قلت لحد
لكن المطبخ الليبي يستاهل
أولا : استعمل خضروات فقط بطاطا - كوسا - بيت ذنجال
ثانيا : اقطعها مكعبات متوسطة الحجم واضع قليل من الملح واقليها واتركها جانبا
ثالثا: الصلصة :
اخذ الثوم وبعد تحميره اضيف عليه حب الطماطم وبعد قليل اضع الفلفل الاخضر ولا ننسى قليل من الملح .فقط ثم اسكبها على الخضروات الملقية واخلطها .
رابعا :وهنا السر
أضعه في الفرن للتحمير واتخلص من الزيوت الزائدة انا اضعها في الفرن الفرنسوي " بورديم"
حتى تتحمر قليل
حقيقة تأتيك شهية
والسلام عليكم
بصراحة فى هلبة افكار او اسرار والموضوع شيق وخدى هدا السر من اجل مكرونة امبكبة زى العسل لما تطيبى فى يوم بصلة او اى حاحة امسكية من الكسكى والارز طبعا بيفضل عندك المرقة يعنى الطبيخة الفاضلة من الكسكسة او الرز دسيه لغدو ودير ى بيها البكبوكى وطوقى البنة ولما تكملى البكبوكى عاد راك تنسى الشبت والحبق فى النهاية والتومة والفلفل الاخضر ودا سر البكبوكى
رشدة الكسكاس كان متبيهاش تلصق فى الكسكاس ادهنى الكسكاس بالزيت سهلة هدى
طاجين الجبن باش ميلصقش فى الطاجين حطى الطاجين فية الزيت وخلى الزيت يسخن كئنك بتقلى حاجة وبعدين اعطى صدمة لطاجين بوضع الحشوة ( اى الطاجين ) وساوية وبعدين على الكوشة
الكوسة لما بتحشيها لازم تدهنيها بالملح وشوفى الفرق
دهشت ........... طاسة امية لعفو .................. شن تانى اه.................. الشربة متع رمضان حوطى فيها عودان المعدنوس ايطيبو معاها اللحم بجميع انوعة لما اطيبية مديرش الملح فى البداية لن يعطل طيابه اسمعو .................. هدا اخر سر اه .............. المسير كان تبيه يصبر هلبة ديريله ..................... سر عاد الله غالب ولا صلو على النبى باش انقول هيا ............. حطوله قطعة صغيرر من الشب ولية عودة
مكشكورات على لمساتكن السريه
من احد لمساتى لما ندير مكرونه بالباشميل لما نحضر الباشاميل نخليه غليظ ووثقيل شويا ولما نكمل تخضيؤه نضربه فى الخلاكط مع طريفين جبنة كيرى وبيضه
وسر بسبوستى ان احد اكواب السميد اضع نصفها او اكثر فول سودانى مطحون جربوها وشوفوا طعمتها
تفكرت سر
طبعا اندير في البيتزا طول العام لكن عندي سر اندير فيه بس في شهر رمضان
عشان يكون في تميز
وكلهم لما ياكلوا فيها يقولوا سبحان الله البيتزا بتاعت شهر رمضان ديمة تختلف عن الاشهر الثانية ليش
انقولوهم هذا سر لكن المطبخ الليبي يستحق انقول وهووووووووووووووو
اني انحط مع الفطر والزيتون والفلفل الاخضر الحلونحط معاهم فلفل امسير مقطع صغير او خيار مخلل ونقطعه صغير عشان مايعرفوشي
وصدقوني حديروا بيتزا متميزة وطعمتها مش عادية
ماشاااااااء الله
موسوعة رائعة
بارك الله فيكن على التفاعل
بالفعل المطبخ الليبي يستاهل
انحبك يا ليبيا
عجبوني اسراركم يابنات الله يبارك فيكم يارب
ام اسيل الله يسعدك ضحكتيني واني ما عنديش نية نضحك
اهو جبتلك عصير بلي ريقك وكملينا اسرارك
واني لي عودة ان شاء الله حاليا دماغي طاير منه كل شي
حنحكى لكم قصة العسل او القطر او الشربات له مسيمات عدة والمعنى واحد ,وطريقة تبى شوية صبر بس مضمونة ويقعد كيف ما هو مدة طويلة ,تاخذى السكر الكمية اللى تبيها وتحطيه فى طنجرة على حسب كمية السكر,يعنى لما ايكون فى الطنجرة ,يكون اقل شوية من طول صبعك الصغير,بعدين اتغطى السكر بالماء بحيث تكون اعلى من السكر,اقل شوية من طول صبعك الصغير,وتحركى الى ان يذوب السكربالكامل,ثم اتضيف عصير ليمون,حوالى ملعقة كبيرة,اكثر شوى مش مشكلة,وتخليه يغلى ١٠ دقائق ,بس مش فوران,بعدين اتوطى النار الى ان يصل للسمك اللى اتحبيه لانه يعتمد على كمية السكر,المرحلة هذه مهمة وتاخذ وقت وخصوصا اذا كنتى تبى تحتفظى بيه مدة طويلة,للنكهة,يمكن اضافة عود قرنفل او قرفةمن البداية,وفى الاخير انضيف القليل من العسل الطبيعى,ممكن قبل استعماله مباشرة انضيف قليل من الروزاته,مش قلت لكم قصة,بس ما حببت ننسى شئ.
الذين يشاهدون الموضوع الآن: 1 (0 من الأعضاء و 1 زائر)
المفضلات