[ مشاركة في مهرجان الصيف ] سندوتشات السمك من لوبا

[luba]

السلام عليكم ورحمة الله وبركاته



سندوتشــــــــــات السمك



طريقة تحضير السمك :

نفرم السمك بفرامة اللحم وتوم نضيف عليه البهارات كما في الصورة
وقليل من الليمون ونخلطها كويس مع بعض هذه الكمية دارتلي حولي 25 طرف



نغلف حفاظة بلاستيك بانايلون المخصص لتغليف الطعام



ونضع فيه السمك المفروم المتبل ونضغط عليه باليد كويس وانت تتحكمي في ارتفاعه




نغلفة بباقي النايلون ونسكر عليه غطاء الحفاظه نحطه في الفريز ونخليه حتي يتماسك حوالي ساعة الا ربع او اقل كل مرة
تعالي اضغطي عليه بايدك وشوفيه ادا تماسك مش لدرجة الصلابه



نطلعه بالنايلون من الحفاطه ونقطعه كيف ماتحبي اني قطعته الي مستطيلات
وكل مستطيل الي نصفين بالطول والعرض لينقص سمكه وبعض منه
لفيته في الفويل وقطعته دوائر



وغلفته بالبيض والكورنفلكس المرحي وصفيته في الصفرة وغطيته بالنايلون ودخلته الفريز
لحد ماتصلب وحفظته في حافطات





ناخد قطع من الكميه ونقليها في زيت غزير ساخن نحط القطع ونحلي النار متوسطة
وكل جهه تاخد 5 او اقل دقايق



ونحضر السندوتشات
وهده الخلطه درتها من راسي وطلعت البنه رهيبة وقلت مش حنكتبها
الا ناخد راي من اكلوها وعجبتنا واااجد ديروها وانتم مطمئنين
علي فكرة السمك مانعرفش شن نوعه حطيت حوالي 3 انواع سمك فيليه مختلف مع بعض

ونحطهم مع هريسة عربية - سلطة ورق- زيتون وطماطم - جبنة للي يحب

وانسيت ماقلتلكم تقدروا اديروه في الفرن 10 دقايق لكل جهه




وان شاء الله تعجبكم كيف ماعجبتنا








ودمتــــــــــــــم بخـــــــــــــــــــــــــير

[الصابرة]

اني خديت حصتي مادخلني بحد
ايه ماشاءالله عليك وربي يحفظك شكلهم شهي ولذيذ رعايش على هالفجر الله يحفظك

[الساجدة لله]

تسلم الايادي ياغالية

ساندوتش مميز تسلم ايديك

[المروالوردي]

ررررررررررررررهيبة يا لوبا

بنسألك ( متأكدة ان المكونات سمك وبهارات بس ,, بالك انسيتي حاجة ؟ )

[om_adnan]

وعليك السلام لولو....وصفتك حلوة ولكن المميز طريقتك فعلا مش عادية,سلم إيديك وموفقة فى المسابقة.

[ترهونيه حره]

ماشاء الله سندوتشات تاخد العقل يعطيك الصحه واحلى تقييم

[بنت الاشراف]

سلمت يداك تستحق التقييم

[barney]

ماشالله اتهبل اتهبل مش عاديه واني انحب السمك بجميع انواعه وحلو لما اتشكلي فيه ماشالله عليك انشالله الى التقييم

[مغتربة 7]

يمييييييييييييييييييييييي
سندوتش يهببببببببببببببل ومنظرها ايجي فى الخاطر
تسلم الايادي يااحلى لوبا
مشاركة رائعة وتستحق التقييييييييييييم

[luba]

شكرا عزيزاتي علي المرور والتشجيع

المرو الوردي حطي فيه اللي تبي حتي بازيليا
وجزر ودرة مسلوقات ماعدا البصل ماتحطية
انسيت التوم يفرم مع السمك وعدلته فوق

وانسيت ماقلتلكم تقدروا اديروه في الفرن 10 دقايق لكل جهه