اعلان دورة تدريبية للكروشيه

**المصراتيه** · 10-07-2012, 10:46 AM

الله حسك شجعتيني يا ام ميرال علي فكره عجبني اسم ميرال واجد ربي يخليها ليك
وانتي اللي عسل بارك الله فيك والشال كانه وصلني
تسلمي

**لوتي** · 10-07-2012, 10:29 PM

توا مش فاضية وعندي هدرزة في الموضوع بإذن الله تعالى انولي

استنوني

**sweet nona** · 10-08-2012, 01:38 AM

نبى انخش معاكم خاطى فىهم انموت عليها

بس مستحيييييل

بسس كان لبنى تعلمت اكيد حنتعلم ولا مغتربة وين؟؟؟

هيا شن نشرى صبورة قولى حسنى نشطت ههه

تصبحو على الف خير

**حبيبتهم** · 10-08-2012, 01:47 AM

يا الصابرة توا نشوف روحي كان قدرت نخش معاكم
ويا ام ميرال محلاهن اشغالك ماشاء الله عليك وربي يوفقك
ويا سويتي خشي معاهن كانك فاضية راهو الكروشيه ايفوت في الوقت مش عادي ولما تتعودي عليه تلقي روحك ماعاد قدرتي تتركيه لوين اتكملي اللي بديتيه

وموفقات

**الصابرة** · 10-08-2012, 02:23 AM

ان شاءالله حبيبتهم تشاركي معانا
سويت ياحلوةة شوفي بداية الموضوع تعرفي شنو تشري
وهيا انشطي معانا وتعلمي

**غصون الورد** · 10-08-2012, 01:41 PM

الكروشيه ابداع صراحة وفن لا نهاية ليه وكل ما تشغلي حاجة جديدة تحسي انك درتي انجاز

انا الصراحة تعلمت الكروشيه في فترة الثورة لما كنت انشوف في صور مسيرات بنغازي شفت مرة وحدة امدايرة صوابعها ( علامة النصر والاستشهاد ) بالكروشيه بالوان علم الاستقلال فعجبتني الفكرة ولما قلت علييها لماما علمتنى عندها الطي وعندنا لانة بس صح من الوان علم الاستقلال فقعدت نتعلم فيها وبعد الانتصار فتحت المحلات وخديتها بالوان علم الحرية واشتغلت حاجات تو انزلها وبعدها خلاص عجبنى الموضوع وقعدت نتعلم ومازال نبي نتعلم و بعدها فكرت اني اندير شال شتوى وخديت لونين لانة ودرت 2 بس تمت عليا اللانة وقعدو في النص حتى هما تو انزل صورتهم كان كملتهم هاليومين والا توا انزل صورتهم حتى قبل ما انكملهم وتعطوني رايكم

طولت عليكم بس حكيت قصتي مع الكروشيه

نصيحتى ليكم صح في البداية صعب بس حلو وابداع واكيد حنتاعبع دروسك اختى الصابرة وحنكون من المتابعين وتحياتي ليك وبارك الله فيك على مجهودك

**غصون الورد** · 10-08-2012, 02:15 PM

بالتوفيق والابداع للجميع

**الصابرة** · 10-10-2012, 10:11 AM

مشكورة غصون الورد واسعدني اصرارك وحبك للتعلم
وخلاص نستنوا اشغالك

**luba** · 10-10-2012, 06:47 PM

كيف حال الكل هيا انشطوا واشروا خلاص صبورة لو انك فاضيه
حددي الموعد صبورة مش مهم انت اللي تشتغليهم جمعي لينا حاجات من اليوتيوب زي طريقة اليوتيوب الامين
متاع ام رميصاء و مقاطع صور مرسومه
توضيحية لو الحنه مازال ماتبي اطير ههههه فضحتك
ونبي نعترف اعتراف مهم مدام هيا خبرت علي روحها
اني نعرف السلسله وغرزة العمود من حبيبة قلبي حبيبتهم علمتني
اندير بيهم مفرش ماتميتاش و غطاية بريمس
بس منو الباترون متاعي ؟؟؟
حبيبتهم كنت انط عليها مرات في القوايل هههههه لانه الباترون في راسها
اني نبي نكمل الشغل من كتر ما متشوقة نشوفه كيف يطلع وهيا يانويرتي ما قصرت بكل
وامي فرحت هلبه بغطاية البريمس
فنقوللها شكرا وبارك الله فيك
ونبي نتعلم اكتر وياريت ترجعي للشغل
ياريت حد يساعد الصابرة وحدة تنزل الشرح ووحدة الصور عاونوها
وابحتولها علي الصوروخاصه اللي تعلموا من النت
سوسو ولا يهمك والله ماهو صاعب غير يبي عزيمه واصرار تخيلي هاليومين درت
شوز لي بيبي بس فردة وحدة ههههه
علي خاطر جارتي قريب تولد قلت نتعلم فيهم هههه عارفتني نتعلم مش اسطي
اهلين بي غصون و ام ميرال ربي يخليك والله شغلك مش عادي ومن يوم
قلتي تعلمتي من النت واني بالي مشغول نبي نعرف
هيااا يالصابرة وينك
نبوا اديري درس وتطبيقات وكان لقيتينا شاطرات كل درسين جميع

**الصابرة** · 10-13-2012, 03:42 AM

الله يسترك يالوبا
خلاص توا عندي صور مجهزتهن وباحتة عليهن
نبدا انزلهن هن وفيديوات ولا يهمكن
خلاص يالوبا طالما تعرفي السلسة والعمود مافيش حاجة صعبة
ونزلي ليا صورة فردة الحذاء عشان انشوفها

الموضوع: اعلان دورة تدريبية للكروشيه

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة