[ تطبيق] المرفهه لماريا شو من مطبخ لوبا

**luba** · 06-14-2012, 03:59 AM

السلام عليكم ورحمة الله وبركاته

هدا تطبيقي للمرفهه

اني درتها مرتين والمرة الاولي تعلمت من اخطائي ممكن البعض يراها
اخطاء عاديه لكن اني مش ماهرة هلبه في المطبخ

لازم اطلعوا الجبنه من التلاجه بوقت طويل قبل استعمالها حتي
يسهل عليك لفها وتتبت علي بعضها تلصق
وطبعا زي ماقالتنا اختنا ماريا غطستها مرتين
ولما قليت قلبتها علي الجهتين وطلعتها اول ماتغير اللون والمفروم طلعته
من التلاجه اول مابديت نشتغل لكن الجبنه لازم تكون رطبه لانها بهدلتني المرة الاولي تكسرت مني
وماتبي تلصق علي بعضها

وهدا رابط الاخت ماري شو

**المروالوردي** · 06-14-2012, 04:28 AM

تطبيق متقن

ما شاء الله عليك في المطبخ لوبا

كل حاجاتك حلوة

تسلم الايادي

**بنت الاشراف** · 06-14-2012, 09:36 AM

وعليكم السلام ورحمة الله وبركاته
تطبيق متقن سلمت يداك لك تقييمى

**أم ميوسة** · 06-14-2012, 12:22 PM

تطبيق روعة حبوبة

تتستحقي التقييم

وانا مجربتها قبل فعلا الجبنة لا زم تطلع من الثلاجة بفترة

وتغلبك شوي في الشغل

انا حشيتها من داخل مفروم وصنوبر
ش
بصراحة عجبتني هلبة

تسلم ايياتك وايديات ماري شو

**luba** · 06-14-2012, 01:24 PM

المرو الوردي شكرا علي كلامك الحلو المشجع وحتي انت حاجاتك كلها
تعجبني وان شاء الله عندي ليك تطبيق من اكلاتك س

**luba** · 06-14-2012, 01:25 PM

بنت الاشراف الله يسلمك وصحيتي علي المرور والتقييم

**luba** · 06-14-2012, 01:31 PM

ام ميوسه تسلمي علي المرور والتشجيع والتقييم لك تحياتي

**آمال** · 06-14-2012, 03:23 PM

كود:

تطبيق متقن ما شاء الله عليك في المطبخ لوبا كل حاجاتك حلوة تسلم الايادي

**الصابرة** · 06-14-2012, 03:40 PM

ماشاءالله عليها النويشطة الفالحة
خايفة على روحها من العين تقول مش فالحة هلبة هههههه
امنا اللي نشوفي فيه شنو تشري فيه {انبصر }
ربي يحفظك ويخليك واحلى تقيييم
اه تعرفي اول مرة انديرها طحت في جبنة بعيد عنك ماتنفع بكل
تعرفي شنو درت لما قعدت تتكسر لميتها بايدي ودرتها زي عبود الزميطة المهم ماتضحكش عليا عقاب جبنة { حاش نعمتها } وكملت الخطوات وجت ماشاءالله عليها
تعرفي يا لوبا درتها في عرسي
تقولي خيرها ترغي هلبة
خطرن عليا الايام الحلوة
سلم دياتك