[ أرز ابيض بالطماطم والخيار ] من مطبخ لوبا

[luba]

السلام عليكم ورحمة الله وبركاته




أرز أبيض بالطماطم والخيار






هذه الاكله لااعرف من اين ليبيه او عالمية الحق خطرتها عليا ام رميصاء ربي يبارك فيها

قريبه الاكلة من اللي كلتها هيا وصاحباتها ومصورتها في موضوعها

اكلك علي عجلة

وهدا الارز ادير فيه عمتي ( ام زوجي ) ربي يعطيها الصحه ويدكرها بالخير وتجيب فيه معاها

وين نتغدوا فناكلوا فيه ونسيبوا في غدانا الحق يعجب فينا كلنا هدا الطبق

و مش بالضبط كيفها هيا اطيب في الرز علي الكسكاس واضيفله المكونات بعد النضج

المكونات :

كوب ونصف ارز ابيض حبة قصيرة - 2 كوب وربع ماء ساخن مغلي

ملح - كسبر مرحي فلفل اسود - بهارات مشكله ( واي اضافات انت تجبيها ديريها )

طماطم اخضر مقطع مربعات - خيار مقطع مربعات - زيتون شرايح - بصل مقطع فرم متوسط






نحط علي النار طنجرة فيها زيت ونحط عليها شوية حفنه صغيرة من الرز نخلو يقلي لين تخسيه

صار ابيض واجد نضيفوا عليه البصل ونخلوه يقلي لين يتغير لون حبات الرز للبني

ونضيف الملح والبهارات و نضيف باقي الارز و نصب المية الساخنه ونغطيه كويس ونخليه علي

نار عاليه لدقيقتين تم انقص النار علي الاخير

ونخليه حوالي 30 دقيقة






بعد ينضج خليته شويه في الطنجرة وفتحت عليه وماتحركيش عشان

مايعجن ويتكسر خليه يبرد شويه ونضيف عليه الخضرة

ونخلطوهم مع بعض ونقدموه في الصحون


وان شاء الله يعجبكم

[آمال]

بارك الله فيك
تسلم أخيه أنا وصلت الأولى هذا الطبق إلي
الله يعطيك الصحة
اااه ذكرتني فيه
ولك تقييمي لانه مميزة وبنته ما زالت في فمي

[luba]

تستاهلي عزيزتي لانك دكرتيني ولانك الاولي
وبارك الله فيك علي المرور والتقييم

[om_adnan]

وعليك السلام أختى لولو....أول مرة نسمع بيه,وأكيد توا وقته مع الصيف,نشعر انه منعش ,سلم إيديك.

[luba]

اهلين ام عدنان شن رايك تجربيه حتي طاسه رز وحده صدقيني مش حتندمي مرورك يسعدني دائما

[عهود]

ياحبيبة يالولو وووو جوعتيني في هالفجر

جوعت روحي ودرته بيدي وخشيت نشوف في الطبق الشهي اللذيذ لي طالع من ايديك الحلوات
تسلم ايديك وربي يعطيك كل الخير

[luba]

تسلمي عهوده مرورك دايمايسعدني وتسخفي فيا ربي يفتحها عليك يالغاليه

[المروالوردي]

طبق مشهي

يسلمو لوبا

صحتين على قلوبكم

[الصابرة]

ماشاءالله ماشاءالله
ربي يحفظك ويحفظلك عزوزتك ويخليك
ارز يجي في الخاطر سلمت يداك ولك تقييمي

[لوتي]

حتى أني أول مرة نشوفه وإن شاء الله تعالى نجربه تسلم إيدك ليك تقييمي