[ مشاركة في مهرجان الصيف ] سندوتشات الدجاج من مطبخ لوبا

[luba]

السلام عليكم ورحمة الله وبركاته



سندوتشــــــــــات الدجـــــــــــاج



العجينه :

2 كوب دقيق -نضيف عليه شوية ملح و ملعقة كبيرة سكر وملعقة كبيرة خميرة سريعة
و نخلطهم كويس مع بعض
تم نضيف عليهم ربع كوب زيت ونمزجهم بي الزيت كيف ( لما اديري الزميته )

تم نضيف عليها كوب ماء دافئ

ونخلوها تتخمر 20 دقيقة



الحشوة :

بصل جوانح - طماطم جوانح - فلفل حلو ( رومي ) جوانح
اختياري ( توم ) - ولحم دجاج مقطع شرائح طولية



نحط طاجين علي النار فيه شوية زيت او زبدة ونضيف عليها اللحم
نخليه لين يصير ابيض ونضيف البصل والفلفل الرومي ونخليهم لين يدبلوا
تم في الاخير الطماطم ونضيف البهارات
( فلفل اسود - كسبر مرحي - بهارات الدجاج الهندية الليبية - ملح - فلفل احمر وكركم )



وفي الاخير وين قريب يطيب نضيف عليه عصير ليمون وهدا حسب حبك للحامض
نخليه شوية ونرفع الطاجين ليبرد

ناخد العجينه نفردها ونضيف فيها الحشوة ونبرمها وندخلها الفرن ساخن في الرف الاوسط
علي حرارة 230 درجة مئوية
ودهنتهم بالحليب المركز وصفار البيض







ودرت وحده علي شكل سلحفاة لولدي عمره 4 سنوات ونصف



وتمتعوا بعشاء لذيذ في مهرجان منتدي المطبخ الليبي لزينب محمد

[بنت حواء]

ماشاء الله سندويتشات تشهي سلم يدياتك وسلم وليدك..... وتستاهلي 5 نجوم
بالتوفيق ان شاء الله

[بنت الاشراف]

ماشاء الله سلمت يداك سندويتشات روعة لكى تقييمى

[رولا]

تسلم يداك اكيييييييييد الطعم روعة

[luba]

رولا وبنت الاشراف وبنت حواءالله يسلمكن ويبارك فيكن وشكرا للتقيي

[om_adnan]

وعليك السلام لولو...خذيت الفكرونة تمشى مع عصير التنين ,نمشوها حيونات, تسلم إيديك لولو,فن صورة وشكل مش عادى,موفقة فى المسابقة.

[الساجدة لله]

تسلم الايادي ياغالية سندويشات قنينة ومميزة ماشاء الله

[luba]

ام عدنان صحتين عليك الفكارين والتنانين ربي يعين بطنك
سجودة نورتي الصفحه وبارك الله فيك

[المروالوردي]

يسلمو لوبا وصحتين على قلوبكم

لك ودي

[luba]

اهلين ميرو نورتي ولك شكري