[ كيك طبقات بصوص الكاكاو ] من مطبخ اوركيدا

[أوركيدا]

هادي الوصفة مخزنة في جهازي من فترة

وحبيت نشارككم بيها لأني الفترة الحالية موقفة نشاطي
وان شاء الله حنرجع بوصفات جديدة مدعمة بالخطوات المصورة



كيك طبقات بصوص الكاكاو




المقادير

1/4 كوب زيت+ 1 1/2 ك دقيق+ 3 بيض+ 1 ك حليب + 1 م ك بيكينج بودر + 3/4 ك سكر+ 3 ملاعق كاكاو

تخلط المقادير الجافة وتنخل وتوضع جانبا

يخفق البيض والسكر ثم يضاف الزيت والحليب

تخلط المقادير الجافة مع السائلة وتحرك جيدا

( لو تبي طبقات صبي الخليط في طاجين كبير ومستطيل وكرري العملية اربع مرات...يعني كل كيكة اطيب بروحها في الطاجين واطلعيها وتحطي غيرها
وبعد مايطيبو الطبقات كلهم جهزي صوص الكاكاو: نص كوب سكر وتلت كوب مية وربع كوب كاكاو وخليهم على النار يغلو شوية
وبعدين حطي اول طبقة وحطي فوقها الصوص وكرري العملية للنهاية وبعدين حطيها في الثلاجة لساعة ع الاقل) وبعدين قصيها

[ترهونيه حره]

ماشاء الله اوركيدا
ديمه كيكاتك حلوات
يسلموووو الايادى
واحلى تقييم

[luba]

ماشاء الله تسلم ايديك حاجه روعه وشكلها تهبل لك تقييمي منورة هلبه

[om_adnan]

سلم إيديك أوركيدا...كيكة منظرهامش عادى ,كيف طريقتك عطت لمسة حلوة لشكلها,فى شوق لوصفاتك الجديدة .

[أم ميوسة]

عزيزتي أوركيدا


كالعادة وصفاتك شهية ومميزة


تسلم ايدياتك عزيزتي


كيك بسيط ورائع


أحلى تقييم ليك

[دانة ليبيا]

روووووووعة
الكيك بسيط لكن فكرة التقديم مش عادية
سلمت يمناك

[الساجدة لله]

تسلم الايادي غاليتي ماشاءالله

كيك يسهههههف

[أم لينه]

يسلمووووووووو إيدياتك

[رولا]

الله تسهف يسلمو يدياتك

[الصابرة]

ماشاءالله عليك.... وعلى ابداعك .... ربي يعطيك الصحة ..... واحلى تقييم