[ كمثرى الدجاج ] من weam2011

**weam2011** · 07-02-2012, 10:43 PM

طريقة كمثرى دجاج :
ناخد محضرة الطعام ونضع فيها صدر دجاجة وبصلة وفص ثوم وفلفل اكحل
ونفرمهم وبعدها نضع المفروم فى صحن ونضيف عليه الملح
ونضعه في الثلاجة لمدة ساعة
والحشوة حسب الرغبة اني نحشي فيها جبنة شرائح وزيتون اسود وهرسة
وفى اللي يحشي فيها بالمفروم مثل حشوة البوريك
وبعد ما مضت ساعة علي المفروم في الثلاجة
ناخد من المفروم قدرالليمون ونطرحها في راحة اليد
ونمسحها بشوية هريسة ونضع فوقه قطعة جبنة صغيرة
وشريحة زيتون ونكورها و بعدها نبدا نشكلها مثل انجاصة
ونضعها في الثلاجة لمدة نصف ساعة
وبعده نبدا نلفها في الدقيق ثم البيض ثم الخبزة المرحية
وضروري توضع في فريز الثلاجة لمدة نصف ساعة اخرى
وبعدها تقلى في زيت ساخن وبعدين ناخد ورقة نعناع وحبة قرنفل
ونثبت بها ورقة النعاع من فوق بالهناء

**الصابرة** · 07-02-2012, 10:56 PM

بارك الله فيك وصفة جميلة
بس ياريت مدعمتيها بالصور اكيد حتكون احلى واروع

**om_adnan** · 07-03-2012, 12:33 AM

فعلا وئام شرحك مفصل خطوة خطوة,بداية موفقة من حيث التركيز فى التفاصيل ياريت على الاقل الصورة النهائية,لكن توا بس بداية المشوار,فى انتظار جديدك,جزاك الله خيرا.