فكرة بسيطة عند صنع المخللات

[om_adnan]

بسم الله الرحمن الرحيم

7340015-cheerful-cartoon-cucumber-raising-his-hands.jpg
فكرة بسيطة عند صنع المخللات

يابنات اليوم شفت حاجة على المخللات عجبتنى,وهى انهم ايحطوا ورق التوم لما يقشروه اخر حاجة من فوق فى الفازو مع حبوب بهارات فلفل ,كسبر والشبت وما شابه,شنو رايكم؟

[الساجدة لله]

انا مافهمتش شن هما ورق التوم ؟

قصدك الورق الابيض, واما الفكرة اللي قلتيها متع حبوب البهارات فهي مش عادية واكيد النكهة غييير

[بنت حواء]

مشكورة على الفكرة بس مافهمتش شن فايدة ورق الثوم ياريت تشرحيلنا أكثر
والبهارات مش مجربتها لكن نتوقع فيها حاجة تجنن
وبارك الله فيك

[om_adnan]

بالضبط الورق الخارجى,بصراحة انا شفت شيف مشهور بالمخللات دار هكى,لكن ما فسرش,ممكن تمص الرطوبة.

[الصابرة]

بارك الله فيك وخيتي ام عدنان ..... لا البهارات ولا قشر الثوم اول مرةنسمع بيهم لكن اكيد بنجربهم خصوصا اليومين الجايات بندير مخلل
وممكن القشر عشان ماتتكونش الطبقة الخضراء في حالة الماء مايغطيش المخلل كله ممكن هكي
بس الفكرة جديدة وحلوة

[luba]

ممكن عشان ماتتكونش الطبقة البيضاء الرقيقه علي السطح اللي في المخللات
في المسير وغيرة مشكووورة هلبه ام عدنان

[آمال]

بارك الله فيك أخيه
على هذه الفكرة
بس يا ريت جربتيها في بيتك وصورتيها من أجل المطبخ الليبي أخيه ، يكون الموضوع وقتها مميز لان الفكرة جديدة

بووووركت وبورك مسعاك
أختاه
وننتظر المزيد من المشاركات والافكار

[om_adnan]

أختى أم رميصاء....بصراحة انا مش من صناع المخللات,وعجبتنى الفكرة وحبيت انشاركم .

[آمال]

بارك الله فيك أختاه على هذه المشاركة

وجاري التطبيق ان شاء الله
ولا يهمك أخيه
إن شاء الله تكوني من محبي المخللات

[ندى الروح]

برضه انا استخدم ورق الليمون بعد تنظيفه وغسله
على مخلل الزيتون ومخلل الفلفل او الخيار
منه يمنع دخول الهواء اللي يفسد المخلل
وبنفس الوقت يعطيه طعم أطيب

تسلمى ام عدنان عالفكرة المميزة