[تمت الاجابة] طريقة تحضير القديد من غير شمس

**طمطم** · 12-01-2010, 05:22 PM

السلام عليكم حبيباتي.... إن شاء الله تكونو بألف خير

ببساطة أنا مغتربة في بلد لا شمس ولا دفء وخاطري في القديد بشكل جنوني
نبي نسأل من تقولي على طريقة ندير فيها القديد من غير نشر وتجفيف تحت الشمس.
مش راكبة صح؟؟؟؟؟؟؟؟؟
لكن خاطري فيه

صديقتي هني مرة قالت لي انها نشراته قدام الدفاية (يعني قطيعات بس) وأمي الله يحفظها قالت لي خلي اللحم يتقلى هلللللللبة في الزيت والدهان.
لكن نبي إجابة من خبيرة ادير فيه او تعرف حد يدير فيه هكي.

في انتظاركم .....مع خالص شكري لكم

**اريناس** · 12-01-2010, 05:57 PM

والله حتىاناا زيك

بس درته درته

ههههههههههههههه

اناااستخدمت السله امتاع غسل الصحون كااااا متشر

وهناا بتقصيل

http://www.libyan-kitchen.com/kitche...?p=592#post592

**طمطم** · 12-01-2010, 06:13 PM

صحيتي على ردك وعلى عرض تجربك... ما شاء الله
خليتلك رد في صفحتك.... ياريت تجاوبيني على تساؤلاتي من بعد إذنك

بارك الله فيك

**نوارة ليبيا** · 12-01-2010, 06:53 PM

ماشاء الله اريناس ماقصرت ههههه مطبقه حتى التطبيق

ان شاء الله تكوني حصلتي اجابات على تساؤولات طمطم

بالتوفيق يارب

**الساجدة لله** · 12-01-2010, 07:04 PM

بارك الله فيها ارنوسة كفت ووفت

**ابريكه** · 12-01-2010, 07:31 PM

هلا وغلا بيك طمطم معانا
نعطيك طريقتي هالسنة
السنة اللي فاتت درتة نشر عالنايلو وخليتة تحت التدفئة
وطلع ماشاء الله
لكن السنة هذة غيرتة
بعد ماقددت اللحم
في الليل نشرتة شريت نايلو قوي وحطيتة علي صفرة الاكل
وحطيت علية اللحم المقدد من الليل لتاني يوم المغرب
بعدين جيت للفرن
غلفتة بالسلفر
وولعت علية عالهادي
وحطيت القديد عالسلفر
وخليتة لين جف اللحم
والله العظيم طلع قديد مقوم
بعد ما طلعتة قطعتة وقليتة بعدها
وان شاء الله تجربيها وتنجح معاك
واي استفسار تفضلي

**زينب محمد** · 12-01-2010, 07:52 PM

البنات الله يبارك فيهن ما قصرن في الاجابة

ممكن تحضري القرقوش بدون شمس لكن حيحتاج لوقت حتى يجف

انشريه على منشرة الملابس في غرفة و شغلي عليه المروحة او المكيف

و اتركيه حتى يجف مع التقليب طبعا

و مرة قرأت طريقة احدى المغتربات ممكن الاخت نانا 79

الله يذكرها بالخير و يرزقها بالذرية الصالحة عاجلا غير اجلا

قالت انها بتجهزه في فرن به مروحة على اقل درجة حرارة و تتركه به حوالي 7 ساعات حتى يجف

ثم تكمل تجهيزه عادي

كذلك في الجنوب السعودي بيعملوه بدون تجفيف و يسموه بالمحشوش

يقطعوا شحم اللية قطع صغيرة و يضعوه على النار مع التحريك حتى يذوب

ثم يضيفوا له قطع اللحم و يقلب باستمرار حتى يقارب على النضج

ثم يضيفوا له الملح و التوابل و يقلبوا حتى ينضج تماما

عندها يوضع في اناء جاف تماما و يترك ليبرد و يتجمد

هذه هي طريقتهم

انا اضيف انه كلما ترك فترة اطول في الدهن على النار سيجف اكثر

12-01-2010, 07:59 PM

انا زيك ياحبيبة ماقدرتش انخش عليه الحق
البنات ماقصرو
($)

**الجبليه** · 12-03-2010, 10:49 PM

اهلاً طمطم انا نعرف امي الله يخليها لما كان ايجي خاطرنا فيه اتجيب دهن وليه وتغليهم وبعدين تحط لحم متبل بنفس تتبيلت القديد وتغليه فى الدهان وتنقص عليه النار والله كان كانه قديد شمس ويجي حلو وربي ما يخلي خاطركل المغتربين فى حاجه