[ تمت الاجابة] استغلال الطباهج

[أم ميوسة]

السلام عليكم ورحمة الله وبركاته

تحياتي لكل الحاضرات معانا في المنتدى إن شاء الله نهار سعيد ومبارك علينا جميعا

أنا طبعا عندي سؤال وقبلها حكاية , والحكاية هيا امس درت طباهج وكثرت الكمية فقعد عندي كمية من الطباهج لاباس عليها وانا طبعا زوجي ما يحبش الأكل البايت ,فأنا قعدت نفكر في طريقة نتصرف بيها في الطباهج اللي فاضل ففكرت في الجردينة الللي نحط ورق البوريك في طاجين ونحط بينها الحشو اللي فاضل لكن ما عنديش بوريك والصراحة خاطري نجرب حاجة جديدة ففكرت نحطها في داخل عجينة طرية وقاعدة نخمم نضرب في اخماسي وأسداسي وعمك الطباهج يستنى فيا ويبيني ننقده من التلويح ,فاتمنى منكم المساعدة وتفكروا معاي في طريقة جديدة وطبعا هدا السؤال.

[السمحة]

حبيبتى انا وزوجى من محبيى الطباهج ان شاءالله تكون له شهر انحبة
وتقدرى تصرفى بيها ممكن تعملية نفس المقلوبة طيبى رز واعملى طبقة رز وطبقة طباهج الى ان يكتمل واقلبها فى طبق التقديم وبالهناء
وممكن حشو بيتزاء ينفع ذلك وموفقة

[أم ميوسة]

[justify]

حبيبتى انا وزوجى من محبيى الطباهج ان شاءالله تكون له شهر انحبة
وتقدرى تصرفى بيها ممكن تعملية نفس المقلوبة طيبى رز واعملى طبقة رز وطبقة طباهج الى ان يكتمل واقلبها فى طبق التقديم وبالهناء
وممكن حشو بيتزاء ينفع ذلك وموفقة

السلام عليكم ورحمة الله وبركاته

شكرا حبيبتي السمحة والله مازلت نخمم تقول عليها قضية الشرق الأوسط بنحلها ههههههههه والله بالنسبة للارز ما اعتقدش لأن أنا و زوجي مش من محبين المقلوبة وبالنسبة للبيتسا ممكن نديرها نحس فيها فكرة حلوة لكن ممكن نزيد معاها دجاج ونحشيها في عجينة بيتزا

شكرا جزيلا عزيزتي وموفقة[/justify]

[ام الجميلات]

اهلا ميوسة
ممكن تاخدي صدر دجاج تطبخي وتعمليه زي الكيمة بالبصل الاخضر والبهارات وتضيفي له الطباهج في الاخير
وبعدين افقصي عليه حويرة دحي واضربي على الخفيف بيدك وخبزة مرحية وشوية بيكنج باودر وبعدين حطي في الطاجين طبقة من الخلط وطبقة من جبنة الشرائح وعاودي طبقة تانية والاخيرة خليها جبنة شرائح ودخليه في الفرن وبعدين قصيه مربعات وتقدميه بالهناء والشفاء

[omsuma65]

هههههههههههههههه
ياوالاء قضيه
انا انقول خودي شيوه لحم كان عندنك وارحيهم واضربي كم
دحيه وشويه خضره
واعجني زي عجينة البيتزء
وافردي طبقه في القاع وصبي عليها المكونات وبعدين افردي قطعه اخري من العجينه
وافرديها على الخليط
وبعدها ادهنيهم بالبيض وشوية زعتر او سمسم
واعطيني راءيك

[أم أيوب]

حبيبة لو كنت جنبك كنت نقولك ابعتيه ليا

لأني ساحقة طباهج طالما موجود وأنا سندويش وراه التاني

بس لفرق المسافة نعطيك طريقة

خلطي عليه زيتون شرائح واسلقي بيض وقطعيه شرائح

ديري عجينة تكون ناعمة وافرديها طبقة متوسطة في الطاجين

حطي عليها شرائح البيض وبعدين الطباهج المخلط مع الزيتون

ومن فوق أمليه جبنة موزاريلا أو كرافت أو ايدام

الى الفرن ويتاكل ستخن

يهبل راهو

[فضااوي]

البناات كفو ووفو

وانا زي البناات انديره بيتزاا ملفوفه مع البيض والجبنه

[ابريكه]

مساء الخيرات
فيك حبوبة انك تعجني عجينة ناجحة معاك
تفرديها في طاجين التوست واطلعي العجينة علي برة
وتحطي الحشوة بعد ما اضيفيلها الجبنة اللي تفضلوها ومعاها حبة بيض
وتسكري عليها بباقي العجينة اللي طلعتها برة الطاجين
وتمسحيها بالحليب والا بخليط بيضة وحليب
ورشي عليه سمسم
وعالفرن
وتقدري اديرية الخبزة المقلية الفركسي وتحشي بية الطاجين
وان شاء الله نكونو أفدناك