[المريشة]من مطبخ لوتي

[نسيبة]

تسلم الايادي بارك الله فيك لك تقييمي

[تعزيز]

ماشاء الله تسلم ايدك بديرها بس نسميعا كيش
صحة وعافية

[ورد الأماني]

شكراً أختي لوتي على تطبيقك للوصفة .. بس ياريتك ذكرتي اسم صاحبتها للحفظ لأني كنت اول من نزلها في جميع المواقع والمنتديات ( باسم / mannee أو ورد الأماني )وللأسف نلقى في وحدات سامحهن الله ينسبن فيها لأنفسهن والكارثة إنها نسخ لصق بالكتابة
ونحب نقولك إن تطبيقك حلو ومش غلط إنك تعدلي عليها لأن الأكل أذواق وياريت كل وحدة تجرب الأصلية وتجرب المعدلة للتنويع
ووالله نفرح لما نلقى وحدة طبقت من مواضيعي وهذا شي يشرفني ولأني نحب نذكر من من خذيت الوصفة للأمانة قلت أكيد مش مذكرة اسم صاحبة الوصفة او ناسية الموقع

تحياتي وبالهناء

[لوتي]

الطيب قلبي ربي يسلمك

أم أيوب شفت طريقتك إللي منزلتيها ماشاء الله عليها تسلمي علي مرورك الحلو

أم تسنيم مشكورة


ونسيبة شكرا علي مرورك وردك والتقيييم

تعزيز شكرا ليك وأكيد إن شاء الله تعالى لما تجربيها حتعجبك

وردة الأماني مشكورة علي التنبيه إللي صار إني كنت نتصفح في منتدى ليبي ولقيت الوصفة من دون صور فنسختها عندي في الكمبيوتر وبعد فترة جربتها بالتخمين يعني من دون صور ولم أبحث عنها في النت أنذاك لم يخطر ببالي البحث فطبقت الوصفة وطلعت عندي تحفة وعجبت العائلة ولما جيت بنزلها بحتت في نفس المنتدى إللي خذيت منه الوصفة بيش نعرف صاحبتها ولكني لم أجد الوصفة لذا نزلتها وذكرت إنها مش طريقتي وبعد مانزلتها بحتت في القوقل ولقيت هلبا منتديات فيهن وصفتك لذا لم أعرف صاحبتها ولكن الأن وبما إنك رديتي عليا ووضحتيلي أبشري بالخير بنعدل الوصفة وبنقول علي صاحبتها أكيد مش حننسب تعب غيري ليا لأني مجربة وقفت المطبخ والتنزيل علي النت وعارفة قديش ياخذو في وقت أما سبب تغيري في الوصفة فوضحته في الوصفة ولأني مش كل شي ناكل فيه فنغير في الوصفات بالشي إللي انحبه لكن بصراحة الوصفة تحفة ومرغوبة في العائلة تسلم إيدك وسامحيني علي سوء الفهم

بارك الله فيكن جميعا

[ورد الأماني]

لا بالعكس ماتفهمينش خطأ .. ووالله فرحت بيك إنك امطبقتيها
وياريت تزوريني على صفحتي في الفيس وحنكون أن شاء الله من متابعينك

[بنية بوها]

يسلموا ايدياتك وجاااري التطبيق ان شاءالله

[لوتي]

ورد الأماني إن شاء الله ميصير بينا إلا الخير ويشرفني نتواصل معاك لكن حاليا معنديش صفحة علي الفيس خلينا متواصلين في المنتدى
بنية بوها سلمك مشكورة علي الرد وإن شاء الله تجربيها وتعجبك

[نسمه ليبيه]

يسلموا ايديك طبق مثير للاهتمام

[لوتي]

تسلمي نسومة

[المصراتيه]

ماشاءالله حلوه وبسيطه
جاري التطبيق والتقيم بادن الله
بارك الله فيك