[دردشة مطبخية ] يومياتك يا ليبية في الكوجينة

[luba]

اهلين بيكم منورات وانتم طيبات وسعيدات

دندونه ماهجرناه المطبخ اهو مازال في نشاطه بس شكلك انت اللي هاجرتيه

هيا ورينا حتي من غداك وعشاك وخاصة الشرق تختلفوا علينا مرات في الطريقه

وحاجات عندكم ماعندنا فطامعين منك ومن نسومه تورونا شنو في عندكم في شرقنا العزيزالغالي

سواء معجنات او اطباق راني اراجي فيكوبيكم ومعاكم يرتقي المنتدي وبدون الرود والمشاركات يخمل ويتعب من الداخل والخارج

[om_adnan]

اهلين لوبا....يعز مقدارك بمعزة اهل الشرق,حتى انتم تعزوا علينا,انتى بس تأمرى,يعطيك الصحه ماقصرتى فى المنتدى.

[barney]

السلام عليكم ورحمة الله وبركاته
كيف حالكن ليا زمان ع الصفحه هذي لكن انخش للمنتدى يوميا وانشوف في اكلاتكن ماشاء الله عليكن
صارت امعايا حاجه في المنتدى نبي نحكيها وقبل مانحكيها نبي نترحم ع (السمحه) وان شاء الله ربي يجعل مثواها الفردوس الاعلى ويتغمدها برحمته ويرحم جميع موتانا وموتى المسلمين . ونبي نشكر (نسمة ليبيا وام سارة وام عدنان وزينب) الله يفتحها عليهن ويكتبلهن الاجر العظيم يارب العالمين لانهن كانن ديمة ايصلحللي في كلمة ان شاء الله والحق ماكنتش فاهمه شن اللي يبني ما انلصقاش لانه حرام كنت نكتب فيها بهالطريقة (انشالله) فكنت نحسابهن يقصدن اني ما انلصقش الله في انشاء نحساب روحي عدلتها قعدت نكتب فيها بهالطريقة (انشاء الله) لعند نزلت امبطن الزنبقه وعلقت عليه زينب ان السمحه الله يرحمها ويرحمنا اجمعين امنزلاته فلما فتحت ع صفحت المرحومه بإذن الله
القيت العبارة هذي




ففهمت البنات شن يقصدوا بارك الله فيكن اجمعين وآسفه عالاطاله
واللي خلاني نكتب تجربتي القيت (ام ميرال) ربي ايسلمها كاتبتها نفس خطئ اني( انشالله) ارجو التعديل يا ام ميرال وان شاء الله في ميزان حسناتك
والسلام عليكم ورحمة الله وبركاته

[om_adnan]

وعليك السلام بارنى ,شفتى من المنتدى,السمحه خذت اجر حتى وهى متوفيه,اطال الله فى عمر الجميع, ونحن اخوات انذكرو بعض ,ونعم الصحبه الطيبه.

[luba]

اهلين ام عدنان استفقدناك هاليومين خش وطلعه عالسريع

بارني بارك الله فيك وربي يرحمها ويغفر لها كيف حالك وصدقتي علي الخبزة

حتي اني كيفك اه محلاها ومحلا صنتها وهي جايه سخونه من الكووووشه

[barney]

ربي ايسلمك يا ام عدنان وانت ديمة حاضرة الله لا اتغيبك كيف حالك وحال ابنياتك
ان شاء الله بخير ياربي مع اني نتمنى نعرف من شن توفت السمحه الله يرحمها
ابعتيلي صورة من الجلي اللي قلتيلي مفيد للصغار وايحبوه
ربي ايسلمك يارب