الهدرزه الليبيه رقم 6 عند نسمه ليبيه

[ليبيا قلبى]

لا ياسموحه
ضحكتينى والله
انشاء الله خير
على فكره اختى دكتوره نساء
وفى مستشفى جديد فى بنغازى فى الهوارى
يعالج فى العقم ويلى عندهم صعوبه فى الحمل
اختى تشتغل فيه
كان تبى اي حاجه حاضر
امس كانت تحكى على وحده
لها 8 سنوات متزوجه
ماشاء الله حملت بتوائم

[أمـ ساره]

ههههههههههههههههههه

يعطيك الهني يا سمحة ضحكتيني والله

ان شاء الله ربي يعطيك الذرية الصالحة ويقر عينك بيها عاجل غير آجل يارب



روح

ابريكه تخش مرة مرة لكن وقتها مختلف على وقتنا

[روح مغتربه]

ام ايناس احيه احيه اهو مفعول حليب الحكه والا بلاش

[أم إيناس3]

مافهمتكش ياروح

[ليبيا قلبى]

كيف حالك ياام ساره
خيرك
شكلك مدقدقه كيفى

[أمـ ساره]

ليبيا يا حبيبة بالنسبة للسمك يبي هلبة اهتمام

والله اني وزوجي حاولنا معاه هلبة وخسارة ايموت

يبي وسعة بال

[روح مغتربه]

ام سارة مرحبتين شن حال سروره ولاباس عليك خيرك امسخسخه ان شاءالله مش من موضوع امس

[أمـ ساره]

ايه والله يا ليبيا حاشاك الي جاني جاني >>>>>>> مرض الليبين

والله من املارح هكي

[ليبيا قلبى]

السمك يبي واحد يفهمه اكويس
انا وزوجى انموتو فيه
اهم حاجه يقعد ديما فى مكان نظيف
ومايكلش واجد
يبي اهتمام

[روح مغتربه]

اقتباسالمشاركة الأصلية كتبت بواسطة أم إيناس3مافهمتكش ياروح

البنات الي ايقصقص ايقولو مش منه من حليب الحكه واني من بدري نبي اقصقص السمحه بس انمهدلها جيتي انتي خشيتي طول شورك شاربته بدون ما اتخففيه بشويه اميه