[الكعك الحلو] من مطبخ خدوج

[خدوج]

الكعك الليبى الحلو وطريقتى مختلفة


ويارب تعجبكم لانى اود تقديم كل ماعندى لهذا المنتدى الذى احببته
اولا طريقة الماكينة
المقادير
كوب ماء
كوب زيت
كوب سكر
ملعقة صغيرة منياكة
ملعقة كبيرة بيكنج بودر
دقيق الى ان تتماسك العجينة
الميزة اللى فى هذا الكعك هش وخفيف
ومع الشاهى او الحليب يهبل(شكار روحه)
وناقص دهن
وفى نفس الوقت تقدروا اديروا بيه الكعك متع زمان الكبير تتفكروا فيه انتوا صغار
توا تتفكروه ان شاء الله

بداية هذه المنياكة لمن لايعرفها

والفالحة هذه تعرفها طبعا

طبعا نغيروا الموس والشبكة ونحطوا بدل منهم هذا القمع اللى يجنب الماكينة

وبسم الله نبدأ



ويمشى معاك ان شاء الله بس العجينة مش رطبة

وهذه الانجاز الاول




والطريقة التانية ننحوا(ننزع) راس القمع ونشتغل عادى

اكيد فهمتوا

وهذا الانجاز الثانى





اما النوع الثالث واللى قلتلكم عليه زى متع زمان نشتغل بالماكينة بدون راس القمع ولما يطلع ناخد كمية كبيرة يعنى اغلط من الكعك العادى
ونلفه وهذه النتيجةوماشاء الله وحيدة تعبى الصحن




اما طريقتى التانية هى نفس المقادير العادية اللى اغلبكم تعرفوهابس مع شوى اضافة
كوب زبدة
كوب زيت
كوب سكر
كوب جوز الهند( وهذه الاضافة)
ملعقة بكنج بودر
دقيق حسب نوع الدقيق الى ان يتماسك العجين
والله قنين (حلو) وانى وجدة مانحبش جوز الهند هلبه بس ليه نكهة مميزة
وهذه قبل الفرن



وسامحونى مالقيتش الصورة (لما طاب)
بس تلقوا صورته مع خواته تحت
المهم هذه صور الكعك مجتمعين



ومعاهم ضيوف الغريبه والمقروض

ولكم حبى واحترامى لكل من دخل موضوعى

واعذوا غيابى لظروف خاصة دعواتكم لى