[مشاركة في ملف الأرز ] مقلوبة الارز بطريقة سهلة من مطبخ الصابرة

[الصابرة]

السلام عليكم


المقلوبة اللي درتها سهلة هيا مش مقلوبة الاصلية
اني الحمدلله نعرف اندير المقلوبة المتعارف عليها
وتجي معاي تمام
لكن عندي قريباتي وصحباتي مشوبات من دورتها فخطرت عليا الفكرة هذه

.....الطريقة.....

لعمل المرق ....

نسلق لحم الدجاج مع بهارات الارز وبصل مقطع كبير
حتى النضج نصفي المرق
نضع في طنجرة سمن وزيت وملح والقليل من الكركم
ثم نضيف الارز ونقلب ثم نضيف المرق ونغطي على الارز حتى النضج
عمل الارز مثل الارز المحبب او الارز بالخلطة



نقلي بطاطا وباذنجان والدجاج نخلطه ببهارات ( فلفل اكحل / فلفل احمر مرحي / ملح / حرارات) ونقليه



طريقة ترتيب المقلوبة

....الاولى....

نضع الدجاج في صحن عميق ثم البطاطا ثم الباذنجان ثم الارز ونضغط قليلا على الارز
ونغطي الصحن بالصحن اللي بنقدم فيه الارز







....الثانية....

نضع الدجاج ثم نضع البطاطا ونرفعها قليلا على الجوانب ثم نضع كمية قليلة من الارز ثم طبقة باذنجان ثم باقي الارز
مع الضغط قليلا على الارز




معليش ماقلبتش الصحن لاني نبي نرفعه معاي لحوش العيلة قلبته عندهم


وهكذا اتقولي دايرة مقلوبة من الالف الى الياء والطعمة لاتختلف هلبة عليها



ممكن تضيفي على المكونات بصل مقلي

[عهود]

مشاءالله عليك طريقة مبين عليها صنة وبنة وعاد من ايدين الصابرة الحلوات
مشاءالله ربي يحفضك
يسلموو ايديك ومشكورة حبيبة
واحلى تقييم

[الصابرة]

صحيتي وخيتي عهود على التقييم
واسعدني مرورك

[أمـ ساره]

ماشاء الله لاقوة الا بالله

مقلوبة اتهبل وتجي في الخاطر

سلمت ايدياتك الحلوة صابرة

وبالهني والعافية على قلب من كلاها

تستاهلي أحلى نجيمات

[حبيبتهم]

السلام عليكم

طالعة من تحت ايديك حلوة

لكن اكيد في اختلاف في الطعم
لان المقلوبة بطريقتها الاصلية بعد اتحطي الخضرة المقلية واللحم والرز بتصبي مرقة وبتكملي تطيب الارز
الخضرة بتتشرب نكهة المرقة
اما بطريقتك الخضرة ماعندهاش كيف تشرب نكهة المرقة

واعذريني على فلسفتي وكلامي

[الصابرة]

مشكورة وخيت ام سارة وبارك الله فيك
وخيتي حبيبتهم خذي راحتك عارفة الكلام اللي قلتيه لكن والله مافي اختلاف هلبة في الطعمة

[luba]

تسلمي علي المشاركة اللي بتحل مشاكل هلبه بنات يسمعوا بالمقلوبة
مرات ندير فيها هدي الطريقة لما نكون مستعجلة
طالعين منك عشرة علي عشرة منورة هلبه بمشاركاتك وافكارك ربي مايحرمنا منك يارب
ويعطيك ماتتمني جاري التقييم اكيد اكيد

[الصابرة]

مشكورة حبيبتي لوبا واسعدني مرورك ربي يبارك فيك

[مغتربة 7]

ربي يحفظك لينا يا مبدعتنا
رووووووووووعة ماشاء الله
الى التقيييييييييم طول

[بنت حواء]

ماشاء الله على (الرز المقلوب)
طالع تححححفة شكله أحلى من المقلوبة الحقيقية
وهذي ميزته ساهل وتقدري تشكلي زي ماتبي
سلم يدياتك وبالصحة عليكم
و 5 نجووووووووم