[ الصورة النهائية الثالثة للسفرة الرمضانية ] من مطبخ لوبا

**luba** · 07-26-2012, 05:22 AM

السلام عليكم ورحمة الله

تفضلوا معاي علي السفرة يامرحب بيكن

عشانا فروبي بالموز والتفاح

مشروب سفن اب

بسيسة وتمر

شربة ليبية

اسياخ الدجاج المقلية

تطبيقي المكرونة الشعيرية بالخلطة لي زينب محمد

ومرقة المكرونة وسلطة خضراء

وبيتزا وحدة ملفوفة والتانية كيف الساندويش

كل مرة يختفي الخيار من السلطة والاسياخ هدا ولدي ماتمشي السفرة للمفرش الا تعيط منه

**barney** · 07-26-2012, 05:41 AM

ماشاء الله بالصحيحه انشاء الله اسفيرة اقنينه
مطرح مايسري يمري ومطرح ما يبني يأسس صحه وحسن وعوافي

**الصابرة** · 07-26-2012, 06:54 AM

صحيحة على قلبك وقلب راجلك وصغارك يارب
ربي يهنيكم يارب
سفرة حلوة اكيد زيك
وربي يبارك فيك على الشربة اللي سترتني قدام ضيوفي
بشهادة راجلي لاني ماناكلش فيها في الشهر الكريم

**مغتربة 7** · 07-26-2012, 09:05 AM

صحتين فطوركم حبيبتي لوبا
سفيرة تحل العين المغمضة ماشاء الله
تسلم الايادي الى تلتف بالحرير
الى التقييييييييييم طول

**بنت حواء** · 07-26-2012, 12:34 PM

ماشاااااااء الله فطووووور ولاأحلى مممممممم جعت
نحب نعرف حاجة:
كيف الفروبي والمشروب مع الشوربة وكله في وقت واحد؟
يعني ماديروش فاصل بين الفروبي والشوربة؟ قصقصة
سلم يدياتك وبالصحة عليكم

**نعاجية حرة** · 07-26-2012, 01:52 PM

يعطيك الصحـــــــــــة

**om_adnan** · 07-26-2012, 02:03 PM

وعليك السلام لوبا....احلى سفره لان فيها الحاجات اللى نحبهم,ماشاء الله,تستحقى التقيم كله,اكيد رمضان السنه له نكهه خاصه فى بيتك مع المنتدى,ان شاء الله العمر كله.

**أمـ ساره** · 07-26-2012, 03:04 PM

ماشاء الله لوبا

سفيرة تحل العين المغمضة

سلمت ايدياتك الحلوة

وبالهني على قلوبكم

أحلى نجيمااااااااااااات

**luba** · 07-26-2012, 06:54 PM

شكرا لمروركم الحلو واللي نور السفرة
وشكرا علي التقييم

الصابرة اهم شي عجبتكم والحمد لله اللي سترك مع ضيوفك فالحة ماينخاف عليك

بنت حواء موتيني ضحك في فاصل اكيد
واحني في الفاصل ناخدو الصغار ونحطوهم في دارهم
يلعبوا وبعدين يكملوا معانا اكل لانه ناكل علي المفرش في الارض
اللي عندي شرقي بقوة مايحب الطاولات والكراسي مع انهم ديما موجودات
واني عكسه تماما