صفحة 1 من 4 123 ... الأخيرةالأخيرة
النتائج 1 إلى 10 من 32

الموضوع: [مشاركة في مسابقة الحلويات المعسلة ] لقمة القاضي من مطبخ حبيبتهم

  1. #1
    عضوة نشيطة

    الحالة
    غير متصل
    تاريخ التسجيل
    Oct 2011
    الدولة
    ليبيا
    المشاركات
    1,071
    معدل تقييم المستوى
    27

    افتراضي [مشاركة في مسابقة الحلويات المعسلة ] لقمة القاضي من مطبخ حبيبتهم





    السلام عليكم

    اليوم حبيت نقدم لكم لقمة القاضي ونحكيلكم حكايتي معاها




    من سنوات واني نحاول ندير لقمة القاضي وتكون مقرمشة من برا ومليانة بالشراب من داخل وجربت هلبه وصفات
    وصارت لي معاها مواقف هلبه ولكن لم ايأس وحاول وحاولت لوين وصلت للنتيجة اللي عجبتني من مواقفي مع اللقمة
    مرة انفجرت عليا وهي في الزيت وحصلت شوية حروق
    ومرة بغير انتباه دخلت المغرف االلي نصفي بيه اللقمات من الشراب في الزيت
    ويطشطش عليا الزيت والمغرف انحرق عليه الشراب
    ومرات ومرات طلعت لي اشكالها غريبة اللي تقول شكلها فيل واللي شكلها كيف
    الحنش وفي اللي مش معروف شنو شكلها وفي النهاية تطلع حاجة ماتنفعش مرخية مش متقرمشة
    والا ماتشربش الشراب وهذي طريقتي معتمدتها من سنوات وتطلع عالكيف واللي بتطبقها لازم تنتبه للشرح كله

    المقادير

    كوب ونصف دقيق
    نصف ملعقة صغيرة
    ملح ملعقة صغيرة خميرة فورية
    كوب حليب

    حبة بطاطا متوسطة مسلوقة ومهروسة ناعم جدا


    مقادير الشراب

    2كوب سكر
    1 كوب ماء
    عصرة ليمون
    غليه ويكون شراب ثقيل


    الطريقة

    نخلط الدقيق والمح والخميرة بالحليب وتترك حتى تتخمر جيدا لازم حجمها يتضاعف وتبدا فيها عيون







    بعد ماتتخمر جيدا ماتنفعش لو مش مختمرة تمام




    نضيف البطاطا المهروسة ونعجنها زين وعلى طول نبدا في القلي



    ونحط الزيت في قلاية عميقة ونخليه يسخن تمام ( اني نستعمل في الغاز المتوسط مش
    الكبير ومش الصغير والنار في البداية تكون متوسطة )

    انتبهي بيش ماينحرقش لو الزيت مش ساخن تمام لما تحطيها اتطول ماتنتفخش ويقعد
    شكلها مسطح ولو ساخن زيادة تنحرق من برا وتقعد عجينة من جوا اني نشكل فيها بيدي واكتشف
    ان هذي افضل طريقة بيش تطلع كور منتظمة ونفس الحجم تاخدي كاشيك صغير (كاشيك قهوة )
    تمسكيه في يدك اليمين وبيدك اليسار اتدخليها في العجينة وتعصري منها شوية بين اصباعك الابهام والسبابة
    واللي طلع تاخديه بالكاشيك وتنزليه في الزيت ولازم ايكون بحداك صونية
    او كوب فيه شوية زيت كل مرة تغطسي الكاشيك في الزيت
    وبعدها تقطعي بيه العجينة بيش تنزل بسهولة وماتلصقش لانها لو لصقت في الكاشيك
    بتدير زوائد في الكورة ويطلع شكلها مشنشب ( مرة نسيت الزيت مادرتاش بحداي
    و دخلت يدي في العجينة قلت هيا نغطسه حتى في الطنجرة ولما بناخد العجينة بالكاشيك حرقني
    في يدي اول ماتحطي العجينة تنزل تحت وبعدها على طول تنتفخ وتطفح فوق اول ماتحطيها ماتحركيها لوين تطلع عالسطح







    بعد تعبي الطنجرة تغسلي ايديك وتقعدي اتحركي فيها ماتوقفيش تحريك بكل لما تحسيها
    بدت يابسة من برا وبدت تاخد لون شوية قوي عليها النار واقعدي حركي لوين تتحمر تمام من جميع الجهات









    بعد ماتتحمر على طول طلعيها في الشراب ولازم ايكون بارد وحركيها وخليها فيه بين
    ما تحطي الكمية الثانية في الزيت وبعدها طلعيها في مصفاية وخليها تتصفى



    بعد ما تطلعيها من الزيت طفي عليه النار وخليه يبرد شوية وكملي باقي العجينة بنفس الطرقة




    وهذا شكلها من الداخل امعبية شراب















    وان شاء الله تعجبكم

    التعديل الأخير تم بواسطة luba ; 05-14-2013 الساعة 07:24 PM سبب آخر: تنسيق الخط والموضوع
    اللهم اجعل بلدنا امنا مطمئنا وسائر بلاد المسلمين




  2. #2
    الصورة الرمزية مغتربة 7
    مراقبة عامة سابقة

    الحالة
    غير متصل
    تاريخ التسجيل
    Dec 2010
    الدولة
    فى الغربة
    المشاركات
    3,583
    معدل تقييم المستوى
    25

    افتراضي



    اه ياحبيبتي حبيبتهم شن انقولك بس عيوني طلعوا واني مازال صايمة
    لقيمة تهبل تسهف تجنن كل العبارات فيها
    وراح انطبقها بإذن الله فى اقرب وقت
    حتى اني صايري نفس موقفك الاول كنت حامل فى الشهر الاخير تفجرت عليا وانحرقت شوية
    وحلفت معاش انديرها من 10 سنيين كسرت الحلف السنة الماضية وطبقت متع زينب جتني تهبل
    لكن اني انحب انجرب كل الطرق وراح انجرب طريقتك
    حكيتلك قصة حياتي سامحيني
    تسلم الايادي الى تلتف بالحرير
    الى التقيييييييم طول


  3. #3
    منتسبة جديدة

    الحالة
    غير متصل
    تاريخ التسجيل
    Jun 2012
    الدولة
    طرابلس / عرادة
    المشاركات
    17
    معدل تقييم المستوى
    0

    افتراضي

    تسلم ايديك يا حبيبة شكلها ما شاء الله كلها نفس الحجم ونفس اللون


  4. #4
    الصورة الرمزية أمـ ساره
    مراقبة عامة سابقة

    الحالة
    غير متصل
    تاريخ التسجيل
    Nov 2010
    الدولة
    لــيـــ $ ــبــ $ ـــيــا
    المشاركات
    5,847
    معدل تقييم المستوى
    34

    افتراضي

    ماشاء الله على الطريقة والوصف والشرح المميز

    سلمت ايدياتك الحلوة حبيبتهم

    وربي يبارك فيك على التوضيح

    وان شاء الله يجربوها البنات وتنجح معاهم

    تم التقييم ولك أحلى نجيمات

    مشاركة مميزة

    اللهم فرج على ليبيا واحقن دماء ابنائها
    وابعد عنهم وعنها الفتن ما ظهر منها وما بطن
    اللهم اهلك الظالمين بالظالمين وأخرجنا منهم سالمين





  5. #5
    الصورة الرمزية ام تغريد
    عضوة نشيطة

    الحالة
    غير متصل
    تاريخ التسجيل
    Oct 2011
    الدولة
    ليبيا الحرة
    المشاركات
    687
    معدل تقييم المستوى
    15

    افتراضي

    ما شاء الله حبيبتهم تسلم الايادي حلو يجي في الخاطر ومن شكله ناجح مليون في المية وان شاء الله تو نجربهي طريقتك وان شاء الله تطلع زي لقيماتكوصحتين وعوافي



  6. #6
    الصورة الرمزية بنت حواء
    مراقبة سابقة - متميزة ركن المعجنات في شهر مارس لعام 2012

    الحالة
    غير متصل
    تاريخ التسجيل
    Feb 2012
    الدولة
    ليبيا
    المشاركات
    3,012
    معدل تقييم المستوى
    32

    افتراضي




    ماشاء الله لقيمات حلوات وناعمات ومساويات زي بعض تبارك الرحمن
    ان شاء الله حنجربها
    وبارك الله فيك على البادرة الرائعة في
    طرح الوصفة والشرح المميز وعرض الصور الرائع
    سلمت يداك
    ولك أححححححلى نجووووووم






  7. #7
    الصورة الرمزية نسمه ليبيه
    مراقبة سابقة

    الحالة
    غير متصل
    تاريخ التسجيل
    Nov 2010
    الدولة
    ..خارج المخطط..
    المشاركات
    2,869
    معدل تقييم المستوى
    33

    افتراضي

    السلام عليكم حبيبتهم

    الله الله عالشرح بضمير ربي يحرم هالانامل عن النار
    وصقع عليك انت من زمان يطلعوا لك الفيله انا لتوه فيله وغيوم وارانب هههههههه


  8. #8
    الصورة الرمزية jolia
    عضوة مبتدئة

    الحالة
    غير متصل
    تاريخ التسجيل
    Feb 2011
    الدولة
    رحمة ربى
    المشاركات
    162
    معدل تقييم المستوى
    14

    افتراضي

    يسلموا ايديك حبيبتهم


  9. #9
    الصورة الرمزية luba
    مراقبة عامة سابقة - شعلة عطاء

    الحالة
    غير متصل
    تاريخ التسجيل
    Mar 2012
    الدولة
    canada
    المشاركات
    5,969
    معدل تقييم المستوى
    43

    افتراضي

    ماشاء الله تبارك الرحمان اللهم صلي علي النبي

    شن هالابداع والجمال والشرح والعطاء والتصوير

    اللي من القلب لازم لازم انجربها ليا اسبوع نقول

    بنديرها وخايفة نفتح علي صفحتها في المدكرة ونسكر

    مرة وحدة جتني باهيه ومقومة وشربات من داخل في عيد ميلاد ولدي

    بعدين شكله راجلي هدا الله يسلمه عطاهلي بعين ههههههه

    يارب يارحمان يارحيم يفرحك في العيد ويعطيك خبر سعيد
    اكيد التقييم
    من جمالها خليتينا الكل يعبر بدون افرينوا

    جاري التقييم ليك وللموضوع اكيد

    التعديل الأخير تم بواسطة luba ; 07-27-2012 الساعة 04:51 PM

  10. #10
    عضوة نشيطة

    الحالة
    غير متصل
    تاريخ التسجيل
    Oct 2011
    الدولة
    ليبيا
    المشاركات
    1,071
    معدل تقييم المستوى
    27

    افتراضي

    السلام عليكم

    مغتربة

    اهلا بك حبيبتي اني حبيبتكم حتى انتم ههههههه
    والله الا بالك واسع حالفة عليها قعدتي 10 سنين اني تفجرت عليا ولكن امسكرة راسي يا اني يا هي منو يغلب
    وشكرا عالتقيم



    عمة تسنيم
    الله ايسلمك وشكرا على كلماتك الحلوة


    ام سارة
    اهلا بك وشكرا على مرورك وكلماتك المشجعة


    ام تغريد
    اهلا بك والله ايسلمك يا غالية وان شاء الله تجربيها وتطلع احسن من لقمتي



    بنت حواء

    اهلا بك وشكرا عالتشجيع
    وبارك الله فيك



    نسمه ليبية
    اهلا بك وربي يسلمك
    تسلمي على كلماتك الحلوة
    والله ضحكتين عالفيلة والغيوم يا ماطالعاتلي قبل صدقت اللي قالت الاشكال الغريبة يفرحوا بيها الصغار
    جربي طريقتي في التشكيل وقولي باي باي للفيلة والارانب وحتى الغيوم ههههههههههههه

    جوليا
    الله ايسلمك حبيبتي


    لوبا
    اهلا بك وشكرا على تشجيعك وكلماتك الحلوة

    جربيها وان شاء الله يا رب تطلع معاك ومن ايديك الحلوة احلى واحلى

    وشكرا على دعواتك وربي يتقبل منك امين


    شكرا لكن بنات عالتشيجع

    اللهم اجعل بلدنا امنا مطمئنا وسائر بلاد المسلمين




صفحة 1 من 4 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك