[استفسار] على الة البورديم

[lolo1971]

السلام عليكم............اخواتى العزيزات ماهى استخدمات الاله غير اللحم والدجاج والسمك والسلطه المشويه ولو كان حد عنده تتبيله للحم اكويسه ايقولى عليها ولكم خالص الشكر

[أمـ ساره]

حبيبة اني ماعندي الآلة ونفكر نشريها لكن بنشوف قبل

لو تنفع لهلبة حاجات وتكون عملية

ان شاء الله وحدة من الأخوات تفيدك

بالنسبة للتبيلات شوفي أركان المنتدى للأطباق الرئيسية تلقي أنواع وأشكال


بس استخدمي خاصية البحث

[lolo1971]

مشكوره ام ساره على الاهتمام

[luba]

الحق لو حطيتي الصورة ممكن فدناك لانه نشوف هني في اعلانات علي طناجر

يديروا فيهم حتي الخضرة ليسلقوها وحتي الكب كيك ياريت تحطي الصورة

[حبيبتهم]

السلام عليكم

اختي انا ماعنديش لكن ماركة هومر شفت الكتيب متاعها
كاتبين فيه تقلي البطاطا واتطيب كيك وتحمص التوست

وفي ناس امجربينها قالوا ايديروا فيها المبطن و حتى الخبزة
وشفت بنت عالفيس بوك امنزله بيها تطبيقات كب كيك وبوريك ولحم مشوي وحاجات تانية نسيتها

[بنت طبرق]

انا عندي الطنجرة اللي تحكي عليها
ولكن ما استخدمتها الا في اللحم بس
وهيا روعة خاصة مع الدجاج
بالنسبة للتبيلة أنقولك على تتبيلتي المعتمدة وجربيها وماتندمي إن شاء الله

لمقدار 2 دجاجة او 2كيلو لحم
ملعقتين طماطم معلب,علبة زبادي طبيعي, ليمونتين.بهارت مشكلة,ملعقتين اكليل اخضر
ملعقة صغيرة بزار, ملح حسب الرغبة,نص كوب زيت نباتي,شرائح فلفل اخضر حار
تخلطي التتبيلة وتدهني بيها اللحم أو الدجاج وتتركيه أقل شي ساعة ولو يبات ليلة أفضل

[lolo1971]

مشكورات اخواتى على التوضيحرتو انجرها وانقولك يابنت طبرق اكيده حلوه